«Armııada 10 jyl boldym, onyń 4 jyly Shyǵys Prýssııadaǵy soǵysta ótti. Bul soǵys týraly ne aıtýǵa bolady? О́zime qymbat joldastarymnyń bári esimde. Men Shyǵys Prýssııadan Pe-2 ushaǵymen ushyp, sol jerde aýyr jaraqat alǵandyqtan, júre almaı qaldym. Maǵan belorýs Tatıana Novıkova degen qyz kútim jasady. Sodan biraz ýaqyt ótken soń men úıge ata-anama Tatıanaǵa úılenýge ruqsat berińder dep hat jazdym. Ata-anamnan ruqsat bergeni týraly hat aldym, biraq ony Besqaraǵaı aýdanyna alyp kel dedi. Men onymen sóılesip kelistim de, Shyǵys Qazaqstan oblysyna alyp keldim. Ol osynda qazaq tili men ádet-ǵurpyn, salt-dástúrin úırenip aldy. Anam aýyryp, júre almaı qalǵan kezde kútimdi Tatıana jasady, ol sondaı ǵajap jan edi», – deıdi maıdanger óziniń soǵys týraly tarıhyn baıandap.
Áset Isekeshev ardagerge syılyq tabys etip, erligi úshin alǵys aıtty.
«Tóbemizdegi tunyq aspan úshin sizderge kóp rahmet. Sizder 4 jyl boıy qanshama qıyndyqtardan, ózderińizge qymbat adamdardy joǵaltý sátterin bastan ótkerdińizder. Jyl saıyn ardagerler azaıyp barady, biz aramyzdaǵy árbir batyrǵa alǵys aıtamyz, baǵalaımyz. Bizdiń mindet – sizderdi kózimizdiń qarashyǵyndaı saqtap, erteńgi urpaqqa erlikterińiz týraly aıtyp qaldyrý. Sizderge jáne jaqyndaryńyzǵa zor densaýlyq tileımin», – dedi ákim.
94 jastaǵy Mıhaıl Petrovıch Kochetkov Batys quramynda úshinshi Belarýs jáne birinshi Prıbaltıka soǵysynda shaıqasty. Jeńis kúnin Shyǵys Prýssııadaǵy Kenıgsberg túbinde qarsy aldy.
Ardager qala ákimine soǵystyń qıyndyqtary týraly aıtyp berdi, sońynan memlekettiń únemi qoldap kele jatqandyǵyna rızashylyǵyn bildirdi.
«Soǵystyń bitýin nemis jerinde qarsy aldyq. Bizge okoptan shyǵyńdar, nemister berildi, soǵys bitti dep aıtqany esimde qalypty. Ol kezde sengen de joqpyn, – dedi ardager. Biraq keıin jaılap-jaılap okoptan shyǵa bastadyq, rasynda eshkim oq atpady. Bir-birimizdi qushaqtap quttyqtaı bastadyq. Jalpy, jastardy Otandy qorǵaýǵa, beıbitshiliktiń qadirin bilip, eldiń ıgiligine jumys isteýge shaqyramyn. Qazir barlyǵy tez damyp barady, bir orynda turyp qalmaıdy, jańa astanamyz bar. Sondyqtan tek qana alǵa umtylý qajet, ol úshin barlyq jaǵdaı jasalǵan», – deıdi Mıhaıl Petrovıch.
Aıta keteıik, qazir Astanada UOS-nyń 93 ardageri turady. Jeńis kúni qarsańynda árbir qatysýshyǵa bir rettik 511 135 teńge kóleminde materıaldyq kómek beriledi. Budan basqa, jeńildikter men kepildik boıynsha Uly Otan soǵysynyń múgedekteri men qatysýshylaryna teńestirilgenderge 21 645 teńge (9 AEK) tólenedi. Soǵys jyldary UOS ardagerleriniń qaıtys bolǵan jesirleri, jeńildikter men kepildikter jaǵynan soǵysqa qatysýshylar men múgedekterine teńestirilgen adamdardyń basqa sanattaryna, áskerı jyldardaǵy tyl eńbekkerlerine – 10 823 teńgeden (4,5 AEK) beriledi.
