Ahmetkárim Ahmadıev 1925 jyldyń 12 tamyzynda Shyǵys Qazaqstan oblysy, Samar aýdany, Sarshoqy aýylynda dúnıege kelgen eken. Ákesi Qaıyńdy orman sharýashylyǵynyń basshysy, aǵashtan túıin túıgen sheber adam bolypty. Sheshesi úı sharýasynda, bala tárbıesimen otyrǵan. Ahmetkárim ata úsh jasynda jetim qalǵan. Sol bir jyldary qazaq dalasy jazalaýdy, ashtyqty, juqpaly aýrýmen aýyrǵandy basynan ótkizgen edi, taǵdyr taýqymeti ony da aınalyp ótpedi. 1939 jyly Ahmedkárim Ahmadıev bastaýysh mektepte 7 synypty bitiredi. Mektepti aıaqtaǵan keıin kolhozǵa jumysshy bolyp istegen. 1943 jyldyń 2-inshi aqpanynda Ahmetkárim Ahmadıev ásker qataryna Zabaıkaleǵa shaqyrylady.
Bul kisiniń jaýyngerlik jolyn keýdesi toly orden, medaldardan da kórýge bolady, atap aıtqanda «Japonııany jeńgeni úshin» 1946 j, «Otan soǵysy» II dárejeli ordeni jáne taǵy basqa marapattary. 1950 jyly soǵys aıaqtalǵannan keıin áskerden qaıtqan Ahmetkárim Ahmadıev óz týǵan jerine, Samar aýdany, Sarshoqy aýylyna oralady. Ahmetkárim aǵa jubaıy Shókenmen birge 6 bala ósiripti. Qazir 17 nemere, 11 shóberesi ósip keledi.
- 2007 jyly Kúrshim aýdanynyń maslıhatynyń sheshimi boıynsha Ahmetkárim Ahmadıevke «Kúrshim aýdanynyń Qurmetti azamaty» ataǵy tabystalǵan. Sondaı-aq, arnaıy memlekettik saqtaýǵa qujattaryn Ahmetkárim ata ózi tapsyrǵan eken. Aq samaıly ardager búgingi ýaqytta óziniń kúsh qýatymen belsendi ómir keshýde, - dedi Semeı qalalyq «Nur Otan» pratııasy fılıalynyń qoǵamdyq qabyldaý bóliminiń megerýshisi Darhan Jumadil,- osydan biraz buryn oblys ákimi Danıal Ahmetov qaladaǵy «Nur Otan» partııasynyń úıinde Ahmetkárim aqsaqalmen kezdesip, jaǵdaıyn estigen soń, densaýlyǵyna oraı osy Semeı qalasyna qonys aýdarýyna kómektesti. Oblys ákimi Danıal Kenjetaıuly birden Semeıdiń eń kórikti, ortalyq aýdanynan jańadan salynǵan záýlim úıden páter bergizdi. Bıyl biz de 9 mamyr - Jeńis kúni merekesine oraı Ahmetkárim aqsaqaldy quttyqtap, ardagerdiń Kúrshim aýdany, Marqakól aýmaǵy, jalpy týǵan jeri jaıly ystyq lebizin, estelikterin de estip qaıttyq.
Raýshan NUǴMANBEKOVA
