Ortalyq basshysy Janbolat Meldeshov pen jergilikti basqarma basshysy Dinıslam Bolathanuly Memorandýmǵa qol qoıyldy. Endi taraptar shetelde kadrlardy daıarlaý, qaıta daıarlaý jáne biliktilikti arttyrýdyń halyqaralyq baǵdarlamalar boıynsha is-sharalar keshenin júzege asyrmaq. Jergilikti oqý oryndaryn bitirgen túlekter əlemdik ýnıversıtetterde bilim alý múmkindigine ıe bolady. Iаǵnı, memorandým barysynda pavlodarlyq jastar shetelde bilimderin jetildirip,biliktilikterin arttyrýǵa esik ashyldy. Ortalyqta Germanııa, Fransııa, Vengrııa, Qytaı jáne Reseımen kelisimsharttar jasalady. Janbolat Meldeshovtyń aıtýynsha, bul maqsat júzege asýy úshin arnaıy granttar bólinedi.
- Kolledj stýdentteri shetelge baryp oqımyn dese, oqýdy bitirgen soń eki oqý ornynyń dıplomyn alady, - deıdi Janbolat Meldeshov. –Túlekter «Bolashaq» baǵdarlamasy arqyly shetelde bilim alý úshin qoıylatyn sharttar men synaqtardan qorqady. Eger attestattyń qorytyndy baly, shet tilin jaqsy bilse qıyndyq bolmaıdy. Elimizde «Bolashaq» baǵdarlamasy boıynsha 13 myń stýdent stıpendıant atandy. Qazirgi ýaqytta 125 grant Qytaı, 100 grant Fransııa, 40 grant Polsha elderiniń joǵarǵy oqý oryndaryna bólinipti.
Kolledjdiń tarıhy áride 1968 jyly ashyldy. Alıýmınıı zaýytynyń bolashaq jumysshylaryn oqytý maqsatynda ashylǵan kásiptik-tehnıkalyq bilim beretin oqý orny ártúrli kezeńderdi bastan ótkerdi. 2013 jyly Tústi metallýrgııa kollejdi dep atala bastady. Byltyr 200 oryndyq «Stýdentter úıi» jańa jataqhana paıdalanýǵa berildi. Jataqhana «Qazaqstan Alıýmınııi» AQ demeýshiligimen salyndy.
Is-sapar aıasynda «Halyqaralyq baǵdarlamalar ortalyǵynyń» Prezıdenti Janbolat Meldeshov orta mektepterdiń, kásiptik jáne tehnıkalyq bilim beretin kolledjderdiń, «Serpin» baǵdarlamasy boıynsha oqıtyn stýdenttermen kezdesti.
Farıda Byqaı,
«Egemen Qazaqstan»
Pavlodar
Sýretti túsirgen: Aıgúl Esenáli
