Is-sharany «Nur Otan» partııasynyń qoldaýy arqyly elordadaǵy «О́zbek ulttyq mádenı ortalyǵy» men «Juldyzdar sónbeıdi» qoǵamdyq qory birlesip uıymdastyrdy. Oǵan surapyl soǵysta jerin jaýdan, elin ezgiden qorǵaǵan jaýyngerler, jeńiske jetý jolynda úlken úles qosqan tyl eńbekkerleri, «Nur Otan» partııasynyń Saryarqa aýdandyq fılıaly tóraǵasynyń birinshi orynbasary Baǵlan Álimǵazına, tıisinshe atalǵan ortalyqtyń tóraǵasy Sherzod Pýlatov, qoǵamdyq qordyń basshysy Sáýle Dáýletbekova, oqý ornynyń stýdentteri men ustazdary, t.b. qatysty.
Basqosýda sóz alǵan Baǵlan Álimǵazına jınalǵan qaýymdy 9 mamyr – Jeńis kúnimen quttyqtap, ardagerlerimizdiń erligine alǵys bildirdi. Búgingi beıbit ómirdiń ornaǵany qart ardagerlerdiń arqasy ekenin erekshe atap ótti. Ol sóz arasynda «Nur Otan» partııasynyń maıdangerler men tyl eńbekkelerine arnalǵan arnaıy jobalary baryn, sátti túrde júzege asyp jatqanyn jetkizdi.
Al Sherzod Pýlatov mundaı kezdesý jyl saıyn túrli oryndarda ótetinin jetkizdi.
– Qazaqstannyń bolashaǵy elin-jerin oılaıtyn, bilimdi jastardyń qolynda. Mundaı taǵylymdy jıyndy stýdentterdiń aldynda ótkizýimizdiń bir sebebi – soǵysta qaza bolǵan jaýyngerler men sarbazdardyń rýhyna taǵzym etý, óskeleń urpaqty olardyń esimderin qadirleýge shaqyryp, patrıottyq sezimin arttyrý, – dedi Astanadaǵy «О́zbek ulttyq mádenı ortalyǵynyń» basshysy.
Kezdesý barysynda «Juldyzdar sónbeıdi» qoǵamdyq qorynyń arnaıy ázirlegen derekti fılmi jurtshylyq nazaryna usynyldy. Fılmde soǵys jyldaryndaǵy jaýyngerlerdiń qaharmandaǵy, tyl eńbekkerleriniń kómegi, qara halyqtyń kórgen qıyndyqtary, jeńis joly kórsetildi.
– Elimizdiń biraz óńirin aralap, tarıhı málimetter izdeımin, tipti 70 jyldan assa da jańa batyrlardy kezdestirip jatatyn kezderim bolady. Osyndaı izdenistiń arqasynda túrli derekti fılmderim ázirlendi, maqalalarym jarııalandy, – deıdi Sáýle Dáýletbekova.
Alqaly otyrysta aqyn Muhabbat Amataeva «Soǵys júrekterden ketpeıdi qasiretiń, júrekterdi jylatady muń men zaryń» dep bastalǵan óleń shýmaqtaryn oqyp, jastardy tebirentti. Al kásipker Hasan Qalmatuly batyr ata-apalarymyzǵa arnaıy syılyqtaryn tartý etti.
Jıyn sońynda qan maıdannyń qaq ortasynda ot keship, elin, jerin jaý oǵynan azat etken, birneshe jerinen jaralanyp, ál ústinde jatsa da keler urpaqtyń qamyn oılaǵan batyr tulǵa, 92 jasqa kelgen Japash ata Kashekov aq batasyn berip, egemen elimizge máńgilik beıbit ómir tiledi.
Aıan ÁBDÝÁLI,
«Egemen Qazaqstan»
