Qutqarý qyzmetin jekeshelendirý tıimsiz

80 jyldyq tarıhy bar kásip­oryn qyzmetiniń negizgi ba­ǵyty – qaýipti óndiristik obekti­ler­de qutqarý jumystaryn oryndaý. Kásiporyn apattyq deńgeıi jo­ǵa­ry barlyq qaýipti óndiristik nysandarǵa qyzmet kórsetedi. Onyń 13 fılıaly eldiń 12 óńi­rin­de ornalasqan. Apattyq-qut­qa­rý jumystaryn oryndaýǵa ju­myldyrý jarııalanǵan kezde ká­siporyn 2000-nan astam kásibı qut­qarýshylaryn jibere alady. Kásiporynnyń materıaldyq-teh­nıkalyq bazasy 4 aýa qysymyn tú­sirý tobynan, 5 kanattyq-synaq stansasynan, 19 attestattalǵan zert­hanadan, 5 mamandandyrylǵan oqý ortalyqtarynan, óndiristik-jón­deý jáne jóndeý-mehanıkalyq she­berhanalarynan, órt són­dir­gish­terge qyzmet kórsetý jónindegi stan­sadan turady. Avarııalardy joıýǵa ýaqtyly shyǵýdy 625 shu­ǵyl órt sóndirý jáne arnaıy teh­nı­ka birlikteri qamtamasyz ete­di, olardyń 70 paıyzdan astamy jo­ǵary sapaly. Bólimsheler 30000-nan astam arnaıy jabdyqtarmen ja­raqtandyrylǵan. Sonymen birge kadr­lyq quramy, kásiporyndy ja­raqtandyrý kúshterin shuǵyl jet­kizý jáne kúrdeliligi tereń teh­nogendik avarııalardy joıý qu­raldarymen qamtamasyz etý múm­kindigi joǵary.

Kásiporyn joǵary rentabeldi bolyp tabylady, óz kirisi esebinen qar­jylandyrylady. 2014-2017 jyldary kásiporynnyń respýb­lı­kalyq bıýdjetke salyq jáne bas­qa da mindetti tólemder retin­degi aýdarylymy 17 mlrd teń­geni qurady. Búgingi tańda qaýip­ti óndiristik nysandarǵa 64 jeke avarııalyq-qutqarý qyzmet kór­se­týde. Sonymen birge olardyń mate­rıaldyq-tehnıkalyq bazasy ava­rııalyǵy joǵary dárejedegi ny­sandardy táýlik saıyn jáne úzdiksiz qyzmet kórsetý rejiminde ustaý úshin jaqsartýdy qajet etedi.

Biz Úkimet basshysy B.Saǵyn­ta­ev­tyń atyna depýtattyq saýal jol­dap, osy derekterdi kórsete oty­ryp, myna máselelerge nazar aý­darýdy suradyq:

Birinshiden, ken jáne munaı sa­lasyndaǵy avarııalarǵa taldaý ja­saý olardyń sanynyń jyldan-jylǵa kóbeıip bara jatqanyn kór­setti. Bıylǵy jyldyń naýryz aıyn­da Reseı Federasııasynyń Ke­merovo qalasyndaǵy kóptegen adam qurban bolǵan apat halyq­tyń qaýipsizdigi jónindegi máse­le memlekettik organdar tarapy­nan tyńǵylyqty jáne jan-jaq­ty zertteýdi, baqylaýdy já­ne qada­ǵalaýdy talap etetinin kór­set­ti;

Ekinshiden, qaýipti óndiristik obektilerge qyzmet kórsetýge memlekettik kásiporynnyń júz paıyzdyq qatysýy ónerkásiptik qaýipsizdik salasyndaǵy zańnama talaptaryn qatań saqtaı otyryp júzege asyrylatynyna kepil bola alady;

Úshinshiden, bul kásiporyn jeke­shelendirgen jaǵdaıda qaýip­ti óndiristik obektilerde apat­tyq-qutqarý jumystaryn uıym­da­styrýdyń jınaqtalǵan júıe­si­niń tuıyqtalǵan sıkly buzylady, memlekettiń iri ónerkásiptik avarııa­lardy joıýǵa ártúrli jeke ava­rııalyq-qutqarý qyzmetterdi tar­týǵa múmkindigi bolmaıdy.

Tórtinshiden, neǵurlym tómen ba­ǵamen kórsetiletin qyzmet­ter­di satyp alýǵa múddeli «qaýip­ti­ligi joǵarylar» sanatyna jatatyn obektilerdiń tapsy­rys be­rý­shi­leri jetkilikti mate­rı­aldyq-tehnıkalyq bazasy jáne bi­lik­ti mamandary joq jeke ava­rııalyq-qutqarý qyzmetterimen sha­rt jasaıtyn bolady. Al bul qaý­ip deńgeıin arttyra túsetini bel­gili.

Biz osynyń bárin kórsete otyryp, Úkimet basshysynan qaýipti óndiristik obektilerdegi apat­tardyń aldyn alý jáne ony joıý jónindegi biryńǵaı memlekettik qyzmet atynan ókildik etetin osy kásiporyndy jekeshelendirýge jatatyn mekemeler tizbesinen alyp tastaýdy qarastyrýdy suradyq.

Edil MAMYTBEKOV,

Senat depýtaty