Asa iri moldy salýǵa elimizdiń kásipkerleri 100 mıllıon dollarǵa jýyq qarajat salyp otyr.
Almaty qalasymen irgeles oblysta ornalasqan, teńdesi joq jańa jobanyń úshinshi kezegin qosa alǵanda, endi «Aport» molynyń jalpy aýdany 210 000 sharshy metrden asady. Sondyqtan atalmysh moldyń bir mezette 5 myń kólikke avtoturaq usyna alatyn múmkindigi bar. Sondaı-aq, qalaǵa jáne qala shetine qatynaıtyn 20-dan asa avtobýstyq baǵyt iske qosylmaq. Bul bastama Almaty qalasy jáne Almaty oblysy ákimdikterimen birlese otyryp daıyndaldy.
«Aporttyń» alǵashqy kezegi 2009 jyly ashylǵan bolatyn. Bar bolǵany bir jyl ishinde molǵa 3,2 mıllıon adam keldi. Moldyń ekinshi kezegi kelýshiler sanyn eki ese kóbeıtti. 2017 jyldyń naýryz aıynda oryn jetispegendikten, úshinshi kezeńniń qurylysy bastaldy. 2020 jylǵa qaraı munda keletin halyqtyń sany jylyna 15 mıllıonǵa deıin jetedi dep oılaımyz», dedi «Home Mart» JShS atqarýshy dırektory Dmıtrıı Revın.
О́z kezeginde «Aport» moly áleýmettik mańyzǵa ıe jobalardy qoldaýǵa qashanda daıyn ekendigin bildirip otyr. Osy jazda moldyń 5 gektarlyq aýmaǵynda sporttyq alańdary, demalys aımaqtary, jasandy kól men amfıteatry bar mádenıet jáne demalys saıabaǵynyń qurylysy bastalady. Bul saıabaq moll qonaqtaryna búkil otbasymen demalysty qyzyqty ótkizip, sportpen shuǵyldanýy úshin tolyqtaı tegin qyzmet kórsetedi. Jáne áleýmettik jaǵynan az qamtylǵan otbasylar men balalar úılerindegi sábıler úshin udaıy tegin demalýǵa jaǵdaı týǵyzylyp, qaıyrymdylyq sharalary jalǵasatyn bolady.
Sondaı-aq, munda «Magným» jelisi ishindegi eń keń taýar túrlerin satatyn «gıpermarket» formatyndaǵy Qazaqstandaǵy eń iri «Magným» ornalasty.
Oǵan qosa Mohito, Cropp, Sinsey, House, Reserved brendteri aıasynda jumys isteıtin dúnıe júzine belgili LLP kompanııasy Qazaqstanda tuńǵysh ret óz ónimder toptamasyn 2018 jyldyń qyrkúıeginde tek «Aport» mollynda ǵana usynǵaly otyr. LLP kompanııasyna tıesili Eýropadaǵy eń úzdik jańa bes brend zamanaýı rıteılde jurtshylyqtyń zor qyzyǵýshylyǵyn týdyratyn erekshe brendter sanalady
Al dúnıe júzine áıgili fransýzdyq Leroy Merlin brendi úıge arnalǵan taýarlar gıpermarketin Qazaqstanda tuńǵysh ret osy jazda osy molda ashqaly otyr. Ol «Aport» molyna irgeles ornalasatyn bolady.
Elimizdegi tuńǵysh dúkenderin «Aport» molynda ashqan eýropalyq, túrik, reseılik brendter burynǵysynsha moldyń aldyńǵy qatarly jalgerleri retinde óz qyzmetterin jalǵastyrady. Olardyń qatarynda Ostin, LC Waikiki, Koton, Kari, DeFacto, «TVOE», FLO, Miniso, «Detskıı mır», «Sportmaster», Sman, Glasman, Kari Kids, Us Polo syndy taǵy da basqa kóptegen «izashar» brendter bar.
Osy aıtýly oqıǵa oraı, BAQ ókilderiniń qatysýymen «Aport» molynda jańa formattaǵy konseptýaldy birqatar nysandardyń tusaýkeseri ótti. Olardyń qatarynda otbasylyq «Funky World» oıyn-saýyq saıabaǵy, eń úlken SPA ortalyǵymen jabdyqtalǵan (aýdany 2000 sharshy metr) Ortalyq Azııa jáne TMD aýmaǵyndaǵy eń iri «Miami Aquapark» akvasaıabaǵy, «mahabbat baspaldaǵy» jáne «tilekter fontany» ornalasqan naǵyz ıtalııalyq Pıassa alańynda Food Gallery meıramhanalar galereıasy bar.
«Miami Aquapark&SPA» jáne «Funky World» saıabaqtarynyń saltanatty tusaýkeseri Halyqaralyq balalardy qorǵaý kúnine oraı 1 maýsymda ótedi dep josparlanyp otyr.
Aınash ESALI,
«Egemen Qazaqstan»
ALMATY
