Jańa tendensııalar, toqsan toǵyz taraptan shynaıy málimetti terip, áp-sátte álemniń kez-kelgen túkpirinen aqparat alý men taratý múmkindigi buqaralyq aqparat quraldary mamandarynan jańasha qabiletti talap etýde.
Bul jóninde «#Hashtag our stories» kompanııasynyń negizin qalaýshy Iýsýf Omar Eýrazııa medıa forýmynda arnaıy avtorlyq sheberlik sabaǵyn ótkizedi. Taqyryby: «Mobıldi jýrnalıstıkadan áleýmettik vırtýaldy shyndyqqa deıin».
Aıta ketý kerek, «#Hashtag our stories» kompanııasy búginde dúnıe júzi boıynsha tanymal. Negizinen táýelsiz mekemelermen jumys jasaıdy. Olar mobıldi jýrnalıstıkanyń aqparat agenttikterde kezdesetin gıperlokaldy jobalaryn jasaýmen aınalysady jáne jańalyqtar taratýdyń túrli tásilderimen bólisedi.
Sondyqtan Iýsýf Omardyń sheberlik sabaǵy aqparat taratýdaǵy jańasha tásilderdi meńgergisi kez kelgen mamanǵa qyyzyqty bolary anyq.
Eýrazııa medıa forýmynda budan basqa da 5 avtorlyq sheberlik sabaǵy uıymdastyrylyp otyr.
Buqaralyq kommýnıkasııalar qarqyndy damý dáýirinde, qoǵamdyq pikir qalyptastyrýda kontenttiń jetkilikti ekindigi ras. Tipti, keı aqparat bázbireýlerdiń múddesi úshin jasandy jasalyp jatatyndyǵy eshkimge jasyryn emes. Bul turǵyda, aqıqat pen naqty derek pen dáıektiń ózektiligi artady. Iаǵnı, shyndyqty jalǵannan ajyrata bilý de sheberlik.
Eýrazııa Medıa forýmynyń taǵy bir spıkerleri «New Eastern Europe» jýrnalynyń bas redaktory Ivona Raıhard (Polsha) pen «Amicus Europea Foundation» birlestiginiń ókili, saıasattanýshy Bartosh Rydlınskıı (Polsha) buqaralyq aqparat quraldaryndaǵy etıka máselesi aıasynda baıandama oqıdy.
Sarapshylar feık, jalǵan jáne burmalanǵan jańalyqtyń taralý joldaryn, sary basylymdardyń adamǵa keltirer yqpalyn talqylaıdy. Sheberlik sabaǵy naqty mysaldar men shynaııy bolǵan oqıǵalar negizinde jasalǵan.
Qarýly qaqtyǵystar, kúres, terrorızmge qarsy operasııalar – áskerı korrespondenttiń kúndelikti jumysynyń ajyramas bóligi. Osy taqyrypta óz tájirıbesimen VVS-diń brıtandyq korporasııasynda 14 jyl eńbek etken áskerı jýrnalıst Shahıda Iаkýb (Ulybrıtanııa) bólisedi. Ol «qaýipti aımaqtan reportaj jasaý» taqyryby boıynsha qarýly toptarmen jumys jasaýdyń qıynshylyǵy men qyzyqshylyǵy týraly baıandaıdy.
Sondaı-aq, taǵy bir sheberlik sabaǵyn halyqaralyq ǵarysh jýrnalısti Tıra Shýbart (Ulybrıtanııa) «Baıqońyr effektisi» taqyryby boıynsha ótkizedi. Spıker ǵarysh taqyrybyndaǵy aqparattyq sıýjetter jasaýdyń syrymen bólisedi.
Ǵarysh týraly túsiniktiń, qazirgi tańda, ózgergendigin, kún júıesin jáne álem týraly baıandaıdy. Bul sheberlik sabaǵynyń tańdalýy tegin emes. Sebebi, bizdiń jerimizde ornalasqan Baıqońyr ǵarysh aılaǵy ǵarysh týraly ıdeıalardyń ortalyǵy bolyp tabylady. Prezentasııa tarıhı ǵaryshtaǵy oqıǵalardyń beınejazbalaryn qamtıdy. Ári bolashaqqa kóz tastap, jýyq arada ǵarysh salasyna qandaı tehnologııalardyń enýi múmkin ekendigi týraly aıtady.
Sandyq medıa dáýirindegi konvergenttik jýrnalıstıka jaıly Select Communication Group-tiń negizin qalaýshysy ári basshysy, qazaqstandyq medıa-menedjer, prodıýser Vıktorııa Elıseevtyń sheberlik sabaǵy uıymdastyrylyp otyr.
Ol medıa salasyndaǵy mańyzdy tendensııalardyń biri – BAQ «dıdjıtalızasııasy» jáne aqparattyq ónimdi qurýdyń jańa tásilderin qalyptastyrý jóninde bolady. Sonymen qatar, spıker mýltımedııalyq jýrnalıstıkanyń jahandyq máselelerin qarastyrylyp, BAQ úrdisteri, Digital dáýirindegi medıanyń zamanýı formattary týraly aıtyp beredi.
Sheberlik sabaqtardyń seriktesi Eurasian Resources Group (ERG) kompanııasy. Is-sharanyń bas seriktesi «Samuryq-Qazyna» ulttyq ál-aýqat qory» AQ.
Forýmnyń ústimizdegi jyldyń 22-24 mamyr kúnderi Almaty qalasyndaǵy The Ritz Carlton otelinde ótedi. Onyń alǵashqy kúni saǵat 10:00-19:00-ge deıin «non-stop» rejıminde sheberlik synyptary uıymdastyrylyp otyr.
XV Eýrazııalyq Medıa Forýmǵa tirkelý 16-mamyrǵa deıin jalǵasady. Tirkeý úshin http://eamedia.org/ru/ siltemesine ótýge bolady. Oryn sanaýly.
Jalpy, úsh kúndi qamtıtyn sharaǵa 500-den astam otandyq jáne álemdik tanymal spıkerler, saıasattanýshylar men qoǵam qaıratkerleri qatysyp, medıa salasynyń ózekti máseleleri qozǵalady.
