Otyrys barysynda 2015–2019 jyldarǵa arnalǵan respýblıkalyq Indýstrııalandyrý kartasy jobalarynyń jańa tizimin ázirleý jáne damytý máseleleri talqylandy.
Investısııalar jáne damý mınıstri J. Qasymbek óz sózinde qazirgi Karta 28 jobadan, onyń ishinde iske asyrýdyń bekitilgen merzimimen 6,7 trln somaǵa 19,8 myń turaqty jumys ornyn ashýmen 22 joba jáne 6 perspektıvalyq jobadan turatynyn atap ótti. Búgingi tańda Karta aıasynda 2,2 trln teńgege 6 joba iske qosyldy, 4,3 myń jumys orny ashyldy. Kartaǵa 1,2 myńnan astam turaqty jumys ornyn ashýmen, jalpy somasy 456,2 mlrd teńge bolatyn qosymsha úsh jańa jobany engizý usynylyp otyr. Atalǵan jobalardy iske qosý 2017–2021 jyldarǵa josparlanǵan.
Otyrys qorytyndysy boıynsha Premer-Mınıstr jaýapty memlekettik organdarǵa 2015–2019 jyldarǵa arnalǵan Indýstrııalandyrý kartasyn ózektendirý boıynsha birqatar naqty tapsyrmalar berdi.
