Qalalyq iKomek monıtorıng jáne jedel áreket etý ortalyǵynyń málimetteri boıynsha ótken birneshe apta ishinde mundaı 3 jaıt tirkelgen.
Jol qozǵalysy erejelerine sáıkes, velosıped kólik quraly bolsa, velosıpedshi - kólik quralynyń júrgizýshisi, demek, jol qozǵalysynyń qatysýshysy.
Túngi ýaqytta avtokólik júrgizýshileri úshin jaryq shaǵylystyratyn elementterdi (japsyrmalar, keýdesheler jáne t.b.) paıdalanbaıtyn velosıpedshini kórý ońaıǵa soqpaıdy. Velosıpedshiniń qandaı áreket jasaıtynyn aldyn ala boljaý múmkin emes. Úlken kólik quraldary qozǵalysy kezinde júrgizýshilerge velosıpedshilerdi qosymsha aınalar arqyly da kórý qıyn. Velosıpedshiler tek shetki oń jaq jolaqtyń boıymen júrýi tıis, jaıaý júrginshilerge kedergi keltirmese, olarǵa jaıaýjoldyń shetimen de júrýge ruqsat etilgen.
Velosıpedshiler ózderiniń kóliktegideı qorǵanyspen qamtylmaǵanyn júrgizýshilerdiń umytpaǵynyn qalaıdy. Bolmashy qaqtyǵystyń ózi oqys oqıǵamen aıaqtalýy múmkin. Úlken kólik quraldary velosıpedshiler úshin burylystarda úlken qaýip tóndiredi. Velosıpedshilermen soqtyǵysyp qalmaý úshin qaptaldan birshama deńgeıde araqashyqtyq saqtaǵan jón.
Jolǵa shyqqan kezde siz ózińiz úshin ǵana emes, jol qozǵalysynyń basqa da qatysýshylary úshin jaýapty ekenińizdi esten shyǵarmańyzdar!
