Elordanyń qarqyndy damýyna rızashylyq bildirgen M.Djanelıdze Astana ekonomıkalyq forýmy jahandyq aýqymdaǵy ózekti máseleler kóteriletin halyqaralyq alańǵa aınalǵanyn atap ótti.
Q.Toqaev Memleket basshysy N.Nazarbaevtyń bastamasymen júzege asyp kele jatqan ınstıtýttyq jáne áleýmettik reformalar týraly grýzın meımanyn habardar etti.
Taraptar eki eldiń joǵary zań shyǵarý organdaryndaǵy únqatysýdy óristetý úshin qurylǵan parlamentaralyq yntymaqtastyq toptarynyń áleýetin belsendi túrde paıdalanýǵa ýaǵdalasty. «Biz osy qatynastardy damytýǵa jan-jaqty járdemdesetin bolamyz. Sizderdiń tájirıbelerińiz bizdi qatty qyzyqtyrady», dedi M. Djanelıdze.
Q.Toqaev elderdiń tranzıttik áleýetin tıimdi paıdalaný úshin kúsh-jigerdi biriktirý qajettigin atap ótti. Tóraǵa Qazaqstan men Grýzııa Azııa men Eýropa arasyndaǵy kólik kópirine aınalatyn Qytaıdyń «Bir beldeý, bir jol» jobasynyń keleshegi zor dep sanaıdy. «Bizdiń elderimiz Transkaspıı halyqaralyq kólik baǵdary men Baký-Tbılısı-Kars jańa temirjol jelisi aıasynda yntymaqtasyp keledi. Logıstıkanyń jaqsarýyna baılanysty saýdany damytý úshin qosymsha múmkindikter paıda bolady», - dedi Q.Toqaev.
