Aqtóbe oblystyq aýrýhanasynda Ankara qalasyndaǵy Bashkent ýnıversıteti medısınalyq ortalyǵynyń professorlary - onkolog, transplantolog, mammolog Sedat Ildyrym men plastıkalyq, bet-jaqsúıek hırýrgi Ahmet Chagrı Ýısal bes qıyn ota, onyń ishinde ekeýi balalarǵa jasady.
Osylaısha, keńes berý kezinde kosmetıkalyq jáne fýnksıonaldy kemistigi bar astyńǵy bet-jaqsúıeginiń býyndary men súıekteriniń týa bitken potologııasymen aýyratyn emdelýshini tekserdi. Eki kezeńdik otadan turatyn emdeýdiń naqty jospary jasaldy. Sút bezi aýrýy bar ózge emdelýshige organdaryn saqtaıtyn ota jasalmaq. Barlyq otany Túrkııadan kelgen mamandar tegin jasaıtyn bolady.
Budan basqa, «Baqytty bala» aksııasy aıasynda aýyr potologııasy bar taǵy bes balaǵa Túrkııada Bashkent ýnıversıteti janynan ota jasalady. Balalardyń joly men emdelýine ketetin shyǵyndy qabyldaıtyn tarap ózi kóteredi.
Túrik dárigerleri oblystyq densaýlyq saqtaý basqarmasynyń uıymdastyrýymen birinshi ret kelip turǵan joq. Jaqynda osyndaı halyqqa tegin keńes berý, ota jasaý, jergilikti mamandardy emdelýdiń zamanaýı ádisterine úıretý sekildi aksııalardy ótkizý josparlanyp otyr.
Temir Qusaıyn,
«Egemen Qazaqstan»
Aqtóbe
