Bıylǵy «Mýzeıdegi tún - 2018» aksııasy oblys ákimi B.Saparbaevtyń «Baqytty bala» jobasyn qoldaý maqsatynda júzege asyrylǵan.
«Mýzeıdegi tún - 2018» aksııasy merekelik sharaǵa saı jabdyqtalǵan oblystyq О́ner mýzeıi ǵımaratynda jáne syrtqy alańynda ótkizilip, qala turǵyndary men qonaqtaryn mýzeılik qundylyqtarmen tanystyrý, kópshiliktiń mýzeı jumysyna degen qyzyǵýshylyqtaryn arttyrý maqsatyn kózdedi.
Oblystyq tarıhı-ólketaný mýzeıi «Sheberdiń qoly ortaq» oblys qolóner sheberleriniń buıymdarynan satylym kórmesin, «Jádiger jerde qalmasyn» aksııasy barysynda qala jáne oblys turǵyndary tapsyrǵan jádigerlerdiń, qalalyq tehnıkalyq shyǵarmashylyq ortalyǵynyń balalary daıyndaǵan ǵarysh, ushaq jáne keme maketteriniń kórmelerin usynyldy jáne «Juldyzdy bala» shoý-baǵdarlamasynda talantty balalardyń ónerleri kórsetildi.
«Qazaqstannyń jas dızaıneri» atanǵan Aıana Muratovanyń kıim úlgilerinen balalar defılesi, «Tabıǵat álemine saıahat» taqyrybynda tanymdyq oıyndar uıymdastyrylǵan bul keshte –qazaq ertegileri men zamanaýı mýltfılmderdiń keıipkerleri de ortadan tabyldy. Kelýshiler oıyn-saýyq ortalyǵy arqyly qazaqtyń ulttyq oıyndaryna (asyq, arqan tartys t.b.) qatysyp, qalalyq jas týrıster stansasynyń kórmesin tamashalaı alady. Sonymen qatar, «Ashyq aspan astyndaǵy observatorııa» teleskopy arqyly juldyzdar men aspan denelerin baqylap, ǵarysh keńistigin baqylap, astronomııa boıynsha ǵylymı-tanymdyq kitaptar kórmesin jáne kosmonavtıka jóninde beınefılmderdi de kóre aldy.
Oblystyq óner mýzeıi ınteraktıvti kórme, skochtan jasalǵan músinder ınstallıasııasyn, jandy daýystaǵy ánder, Úlken formattaǵy beıneleý óneri sheber-klasyn, «Bárimiz sýret salamyz...» aksııasyn, mýzeı alańynda Aqtóbe oblysyna tanymal sheberlerdiń kórme-jármeńkesin jáne fotoaımaq uıymdastyrdy.
Keńes Odaǵynyń Batyry Á.Moldaǵulovanyń oblystyq memorıaldyq mýzeıi «Álemdi beınele» balalar arasynda sýret salý baıqaýy, «Soǵys jańǵyryǵy» Uly Otan soǵysy jyldaryndaǵy artefaktardan kórmesi, «Dalalyq pochta», «Jaýyngerlik kýhnıa» jáne «Soǵys tarıhyndaǵy sandar» ınstallıasııalary ozdyrylyp, karaoke arqyly «Áskerı patrıottyq ánder», «Álııa. Mánshúk. Hıýaz» qaharman qyzdary týraly kınolenta kórsetildi. Ári fotosessııa jasap, uıymdastyrýshylar kelýshilerge umytylmastaı mádenı kesh syılady.
Temir Qusaıyn,
«Egemen Qazaqstan»
Aqtóbe
