Aýyr dertke shaldyqqan balalarǵa qarjylyq demeý kórsetýdi maqsat etken kesh Qazaqstan halqy Assambleıasynyń HHÚI sessııasynda Elbasy belgilep bergen qaıyrymdylyq qaǵıdattary aıasynda ótip, ásem án men myń buralǵan bıge jalǵasty.
Konserttik baǵdarlamadan keıin aýksıon ótip, 30 lot oınaldy. Oǵan esimderi tórtkúl dúnıege jaqsy tanys sportshylar Serik Sápıev pen Janat Jaqııanovtyń fýtbolkalary, Aleksandr Vınokýrovtyń ómirbaıany jazylǵan kitap qoıyldy. Jerlesimiz Janattyń sporttyq jeıdesin petropavldyq kásipkerler Andreı Isakov pen Oksana Zaharova 800 myń teńgege satyp aldy. Jergilikti sýretshi Álııa Muqyshevanyń kartınalary 220 myń teńgege satyldy. Alty órimdi taspa qamshynyń bastapqy baǵasy 15 myń teńge bolsa, 60 myń teńgege alýshysy tabyldy.
Aınalasy birere saǵattyń ishinde 4 mıllıon 642 myń teńge jınalyp, qarajat Ámir Ǵabdýllın, Karına Baımoldına jáne Vladıslava Golovyrınanyń em-domyna teńdeı bólinetin bolady.
«Oblystyq assambleıa «Birlik–qaıyrymdylyq» uranymen buǵan deıin eki qaıyrymdylyq balyn ótkizp, bes mıllıon teńge túsken bolatyn. Bul qarajat jeti balanyń densaýlyǵyn jaqsartýǵa jumsalǵan. Mundaı ıgilikti sharalar alda da jalǵasyn tabady», deıdi «Qoǵamdyq kelisim» KMM basshysy Ásemgúl Esqoja.
О́mir Esqalı,
«Egemen Qazaqstan».
Soltústik Qazaqstan oblysy
