Elimizdiń ár óńirinen saıdyń tasyndaı iriktelip kelgen bolashaq aq halatty abzal jandar úsh kezeń boıynsha saıysqa tústi. Tanystyrý synynda «103» nómirin úmitpen teremin» atty taqyryptaǵy beınerolıkter kórsetildi. Ekinshi kezeńde-teorııalyq bilim saraptalsa, úshinshi aınalymda naýqasqa alǵashqy medısınalyq kómektiń qalaı kórsetiletini tekserildi.
«Sońǵy baıqaý osydan tórt jylyn buryn uıymdastyrylǵan eken. Bıyl bul dástúr jańǵyrtylyp, júıeli ótkizýge sheshim qabyldandy», deıdi Soltústik Qazaqstan medısınalyq kolledj dırektorynyń emdeý-óndiristik máseleler jónindegi orynbasary Elena Terre.
Respýblıkalyq kásibı sheberlik baıqaýynyń qorytyndysynda Túrkistan qalasyndaǵy joǵary medısına kolledjiniń stýdenti Jaına Ábsattar jeńimpaz atandy. Ekinshi oryndy Taldyqorǵan medısına kolledjiniń stýdenti Mıras Qumarov, úshinshi oryndy Batys Qazaqstan joǵary medısına kolledjiniń stýdenti Arman Májenov ıelendi.
Kelesi baıqaý Túrkistan qalasynda ótetin bolyp belgilendi.
О́mir ESQALI,
«Egemen Qazaqstan»
