Ústimizdegi jyldyń 5 mamyry kúni ótýi tıis bolǵan Golovkın men Alvares arasyndaǵy surapyl boks keshi 15 qyrkúıek kúni ótýi múmkin.
Bul jaıynda ESPN telearnasynyń jýrnalısteri aıtty. Tanymal jýrnalıst Den Rafael: «Bul kezdesýdiń ótetini anyq. Týra byltyrǵydaı T-Mobile Arena kesheninde bolady», dedi. Al odan keıin onyń áriptesi Braıan Kempbell «Kezdesý Meksıkanyń táýelsizdigi kúnine oraılastyryp, 15 qyrkúıekte ótedi», dep qostap ótti.
Aıta keteıik, qos boksshy ótken jyly 15 qyrkúıekte kezdesip, tóreshilerdiń sheshimimen teń tarqasqan bolatyn.
Messı «Altyn býtsy» ıegeri
«Barselonanyń» shabýylshysy Lıonel Messı 2017-2018 jylǵy maýsymnyń «Altyn býtsysyn» ıelendi. Argentınalyq oıynshy bıyl Ispan La-lıgasynda 34 gol soǵyp, 68 upaı jınady.
Negizgi básekelesi mysyrlyq Muhamed Salah 64 upaımen ekinshi orynda. «Lıverpýl» shabýylshysy Aǵylshyn premer-lıgasynda 32 gol soqty.
Messı óziniń sporttyq ǵumyrynda «Altyn býtsydy» 5-ret alyp otyr. Bul álem fýtbolyndaǵy jańa rekord. Al «Real» oıynshysy Krıshtıaný Ronaldý bul marapatty 4-ret utqan edi.
Lopes 2-oryndy ıemdendi
Ataqty Dzonkolan asýynda kórsetken nátıjelerinen keıin «Astana» komandasynyń kapıtany Mıgel Anhel Lopes taǵy da kózge tústi.
«Djıro d’Italııa» velojarysynyń 15-kezeńinde Lopes júldeli 2-oryndy ıemdendi. «Astana» kapıtany fınıshke jalpy eseptiń favorıtterinen quralǵan shaǵyn toppen birge, qyzǵylt jeıde ıegeri Saımon Ieıtsten 41 sekýnd ýaqyttan keıin kelip, sprıntte jeńimpaz atandy. Sonymen qatar 15-kezeńniń nátıjesi boıynsha Mıgel Anhel úzdik jas shabandozdyń aq jeıdesin saqtap qaldy.
