Baıqaýdyń maqsaty
Baıqaýdyń maqsaty – qazaqstandyq jıyrma birinshi ǵasyr mektebine aqparattyq qoldaý kórsetý: otandyq jáne halyqaralyq úzdik tájirıbelerdi úılestirgen ınnovasııalyq mektepter qurý, bilikti muǵalimder men ujymdardyń kásibı jetistikterin elimizdiń orta bilim berý júıesine engizý, qazaqstandyq mektepterdi jahandyq bilim keńistigine engizý.
Baıqaýǵa 2017 jylǵy 1 maýsym jáne 2018 jylǵy 1 maýsym aralyǵynda qazaqstandyq jáne sheteldik BAQ-ta jarııalanǵan taldamalyq materıaldar qabyldanady.
Qazylar alqasy
Aleksandr Tarakov – Qazaqstan Respýblıkasy Prezıdentiniń janyndaǵy «Qoǵamdyq kelisim» RMM dırektory;
Baýyrjan Omarov – Qazaqstan Respýblıkasy Prezıdenti Baspasóz hatshysynyń orynbasary;
Sabıt Maldybaev – «Kazahstanskaıa pravda» respýblıkalyq gazeti bas redaktorynyń orynbasary;
Aıdos Týrysbek – «Habar» agenttiginiń bas prodıýseri;
Mıra Alıpınova – «Nazarbaev Zııatkerlik mektepteri» derbes bilim berý uıymynyń baspasóz qyzmetiniń jetekshisi.
Baıqaý qatysýshylary
Baıqaýǵa óńirlik, respýblıkalyq jáne sheteldik gazetter, saıttar, portaldar, radıokompanııalar, telekanaldar men aqparattyq agenttikterdiń tilshileri, jýrnalıst-frılanserler qatysa alady.
Baıqaýdy ótkizý merzimi
Birinshi kezeń – materıaldardy qabyldaý
(2018 jylǵy 21 mamyr – 15 maýsym)
Ekinshi kezeń – qorytyndylaý
(2018 jylǵy 15 – 20 maýsym)
Úshinshi kezeń – jeńimpazdardy marapattaý
(2018 jylǵy 20 – 28 maýsym)
Jeńimpazdardy marapattaý
Baıqaý qorytyndysy boıynsha on jeńimpaz ben bes laýreattyń esimi atalady. Barlyq jeńimpazdar men laýreattar dıplomdarmen, baǵaly syılyqtarmen jáne kádesyılarmen marapattalady.
Baıqaýdy ótkizý tártibi
Baıqaýǵa ártúrli janrdaǵy materıaldar – maqalalar, ocherkter, suhbattar, taldamalyq materıaldar qabyldanady (baspa materıaldyń kólemi 12 000 tańbadan aspaýy tıis).
Materıaldar qazaq, orys jáne aǵylshyn tilderinde qabyldanady. Materıaldar óńirlik, respýblıkalyq nemese halyqaralyq BAQ-ta jarııalanǵan nemese efırge shyqqan bolýy tıis. Baspa materıaldardyń avtorlary maqalalardyń túpnusqasyn jáne skrın-shotyn (jaryq kórgen kúni, maqala ataýymen birge), Internet jarııalanymdardyń – skrın-shotyn jáne siltemesin, radıo jáne tele materıaldaryn – elektrondyq tasymaldaǵyshta skrın-shotymen jáne siltemesimen (BAQ ataýy, efırge shyqqan kúni) joldaýy tıis.
Baıqaýǵa berilgen materıaldar resenzııalanbaıdy jáne qaıtarylmaıdy.
Materıaldar 2018 jylǵy 15 maýsymǵa deıin qabyldanady.
Baıqaý materıaldary tómendegi mekenjaı boıynsha qabyldanady:
010000, g. Astana, 31 kóshe, 37a, ofıs 316,
«Nazarbaev Zııatkerlik mektepteri» derbes bilim berý uıymynyń ortalyq apparaty,
Korporatıvtik kommýnıkasııalar departamenti («baıqaýǵa» degen anyqtaýmen) nemese eleuova_a@nis.edu.kz elektrondyq poshtasyna jiberilýi tıis.
Qosymsha málimet alý úshin tómendegi meken-jaıǵa habarlasýǵa bolady:
«Nazarbaev Zııatkerlik mektepteri» derbes bilim berý uıymynyń ortalyq apparaty,
8 (7172) 23 57 00 (ishki 1117), 8 7028407882
eleuova_a@nis.edu.kz, Albına Eleýova
