Onyń aıtýynsha, eki jasóspirim qaza tapqan jazataıym oqıǵanyń sebebin anyqtaıtyn komıssııa qurylǵan.
- Barlyq lıft sharýashylyqtaryna tekserý júrgiziledi. 94 kóp qabatty turǵyn úıde 266 lıft ornatylǵan. Onyń 32-si jumys istemeıdi, jeteýi júk lıfti, - deıdi Talǵar Haırýllın.
Tragedııa bolǵan úıdegi júk lıfti 2012 jyly demontajdalǵan, esikteri dánekerlengen.
- Jasóspirimderdiń lıft shahtasyna qalaı kirgenderin tergeý jumystaryn arnaıy qurylǵan komıssııa anyqtaıdy, - deıdi T.Haırýllın.
Jazataıym oqıǵa bolǵan turǵyn úı 2007 jyly salynǵan, 2010 jyly 16 úı kúrdeli jóndeýden ótti, sol kezde lıftiler de jóndelgen. Lıftilerdi iske qosýmen «Kaspıı lıft» JShS aınalysady, PIK, páter ıeleri men atalǵan mekeme arasynda úshjaqty kelisim jasalǵan.
Aıta keteıik, 21 mamyr kúni saǵat 23:30-da Almagúl shaǵyn aýdanyndaǵy №19 úıdiń 15-qabatynan júk tasymaldaıtyn lıftiniń shahtasyna eki jasóspirim bala qulap, mert boldy.
Baqytgúl BABASh,
«Egemen Qazaqstan»,
