Keshke mýzyka ónerin baǵalaýshylar úshin naǵyz tosyn syı jasalady. «Astanadan aq tilek» konserti Oblystyq halyq shyǵarmashylyǵy ortalyǵynda (burynǵy Jastar mádenıet saraıy) uıymdastyrylady. Sahnada Astana qalasynyń Memlekettik akademııalyq fılarmonııasynyń ujymdary óner kórsetedi. Atap aıtqanda, «Saryarqa» halyq mýzykasy, estradalyq bı, «Shalqyma» bı ansamblderi, sondaı-aq klassıkalyq jáne estradalyq vokal solıstteri. Konsert saǵat 19.00-de bastalady.
Kelesi kúni Oblystyq halyq shyǵarmashylyǵy ortalyǵynda (burynǵy Jastar mádenıet saraıy) ótetin «Elordadan elge sálem» konsertine elordalyq fılarmonııa ujymdary qatysady. Sahna tórinde Qazaq orkestri, «Shalqyma» halyq bı ansambli, halyq án bólimi jáne klassıkalyq jáne estradalyq vokal bólimi óz ónerin ortaǵa salady.
24 mamyr kúni saǵat 19.00-de Oblystyq halyq shyǵarmashylyǵy ortalyǵynda (burynǵy Jastar mádenıet saraıy) «Astanadan aq tilek» atty GALA konsertke elordalyq fılarmonııa ujymdary qatysady. Sahna tórinde Rınat Malsagov, Klara Tólenbaeva syndy estrada juldyzdary, «Art-Dombyra» trıosy óz ónerin ortaǵa salady.
Eki kún boıy Shaımardan Sarıev atyndaǵy kórkemsýret jáne qoldanbaly-sándik óner mýzeıi tańǵy saǵat 10.00-den keshki 20.00-ge deıin beıneleý óneriniń «Aq tilekpen, Astana» kórmesi jumys isteıdi. Kórmeniń saltanatty ashylýy 15.00-de bastalady. Ekspozısııaǵa otandyq sýretshilerdiń 100-den asa týyndysy shyǵarylady. Onyń ishinde S.Smaǵulov, M.Bekeev, R.Qulbatyrov, S.Allabergenov, N.Qarjasov jáne basqalary bar. Munymen qosa, kórmede Janna Spýnerdiń jeke kolleksııasynan alynǵan eńbekterdi, astanalyq sheberlerdiń músinderi men kartınalaryn kórýge bolady. Elordalyq kórmeni tamashalaýǵa kelgen qonaqtar otandyq qylqalam sheberleriniń shyǵarmashylyq áleýetine, olardyń daralyǵy men kenepte kórinis tapqan qorshaǵan ortany beıneleý ónerlerine óz baǵasyn beredi.
Sonymen qatar, kórmede avtory О́mirbek Tileýlıev bolyp tabylatyn «Elim-aı» serııasy kópshilik nazaryna usynylyp otyr. Onyń eńbekterinen qazaq halqynyń ótkenimen tanysýǵa bolady.
