«Aq joldyń» partııalyq tizimin tirkedi

Ortalyq saılaý komıssııasynyń keshe ótken otyrysynda Komıssııa «Aq jol» demokratııalyq partııasynyń Qazaqstan Respýblıkasy Parlamenti Májilisiniń depýtattyǵyna 63 kandıdatty qamtıtyn partııalyq tizimin tirkedi. «Aq jol» demokratııalyq partııa­sy­nan tirkelgen kandıdattardyń arasynda tórt ulttyń ókili bar, olardyń 15 paıyzǵa jýyǵy – áıelder. Partııalyq tizimge engizilgenderdiń jartysyna jýyǵy 55 jasqa deıingi azamattar. Olardyń eń jasy 26 jasta. Barlyq kandıdattar joǵary bilimdi, 35 paıyzǵa jýyǵynyń bilimi zańger, ne ekonomıst. 25 paıyzdan astamy túrli halyq sharýashylyǵy salalarynyń mamandary. «Aq jol» demokratııalyq partııasy­nan usynylǵan úmitkerlerdiń jarty­sy­nan kóbi kommersııalyq qurylymdardyń qyzmetkerleri bolyp tabylady. Sondaı-aq tizimde ǵylym, mádenıet, bilim salasynyń jáne memlekettik organdar men mekemelerdiń qyzmetkerleri de bar. Sońǵy táýlikte máslıhattar depý­tat­tyǵyna kandıdattar usyný aıtarlyqtaı belsendi júrgizildi. Ortalyq saılaý komıssııasyna túsip jatqan málimetterge sáıkes, 2011 jylǵy 8 jeltoqsandaǵy jaǵ­daı boıynsha máslıhattar depýtat­ty­ǵyna 3056 úmitker usynylǵan. Olardyń arasynda oblystyq máslıhattarǵa – 300, onyń ishinde Astana qalasynyń máslı­ha­tyna – 25 jáne Almaty qalasynyń más­lıhatyna – 37 kandıdat, aýdandyq máslı­hattarǵa – 2252, qalalyq máslıhattarǵa – 504 kandıdat bar. Usynylǵan kandıdattardyń 830-y – «Nur Otan» partııasynyń, 17-si – Kommýnıstik halyq partııasynyń, 12-si – Qazaqstannyń «Aq jol» demokratııalyq partııasynyń, 7-ýi – Qazaqstannyń so­sıal-demokratııalyq «Aýyl» partııasy­nyń, 3-ýi Qazaqstan Patrıottary par­tııa­synyń jáne 1-ýi Jalpyulttyq so­sıal-demokratııalyq partııanyń múshesi. Al 812 úmitker ózderiniń partııaǵa qa­tys­tylyǵyn kórsetpegen, 1374-i partııada joqtar. Qazirgi sátke deıin máslıhattar depý­tattyǵyna 39 kandıdat tirkelgen. Álısultan QULANBAI.