Sonyń aıasynda stýdentter men jas ǵalymdardyń ǵylymı-praktıkalyq «Farabı álemi» konferensııasy jalǵasyn tapty. Konferensııaǵa 6000-nan asa otandyq jáne sheteldik zertteýshiler qatysty. Qatysýshylardyń arasynda AQSh, Germanııa, Túrkııa, Úndistan, Japonııa jáne TMD elderiniń 180-nen astam ókili boldy. Konferensııa jumysy barysynda ártúrli sheberlik saǵattary, dóńgelek ústelder ótkizildi jáne baıandamalar tyńdaldy. Konferensııa aıasynda fakýltetterde 100-den asa seksııa jumys istedi.
О́z kezeginde ál-Farabı atyndaǵy Qazaq ulttyq ýnıversıtetiniń Halyqaralyq qatynastar fakýltetiniń dıplomatııalyq aýdarma kafedrasy «Aýdarma jáne mádenıaralyq qarym-qatynastardyń ózekti máseleleri» jáne «Qazirgi álemdegi til jáne mádenıet BUU tilderi» seksııalary boıynsha jumys jasady. Konferensııaǵa QazUÝ, Súleımen Demırel ýnıversıteti jáne I.Jansúgirov atyndaǵy Jetisý memlekettik ýnıversıtetiniń stýdentteri qatysyp baıandamalar jasady.
Memleket basshysy Nursultan Nazarbaev «Bolashaqqa baǵdar: rýhanı jańǵyrý» atty baǵdarlamasynda qoǵamdyq jáne gýmanıtarlyq ǵylymdar boıynsha «Jańa gýmanıtarlyq bilim. Qazaq tilindegi 100 jańa oqýlyq» jobasy týraly «Biz aldaǵy birneshe jylda gýmanıtarlyq bilimniń barlyq baǵyttary boıynsha álemdegi eń jaqsy 100 oqýlyqty ártúrli tilderden qazaq tiline aýdaryp, jastarǵa dúnıe júzindegi tańdaýly úlgilerdiń negizinde bilim alýǵa múmkindik jasaımyz» degen bolatyn. Osy oraıda ýnıversıtette ótken konferensııa barysynda aýdarma máselelerine jáne shet tilin oqytýda qoldanylatyn jańa ádis-tásilderge aıryqsha nazar aýdaryldy. Konferensııany qorytyndylaı kele, úzdik degen baıandamalarǵa júldeli oryn dıplomdary, al qatysýshylarǵa arnaıy sertıfıkattar tapsyryldy. 1-oryndy S.Demırel ýnıversıtetiniń 3-kýrs stýdenti Merýert Mýktasheva (jetekshisi PhD, dosent Altynshash Qurmanáli), 2-oryndy QazUÝ-diń 2-kýrs stýdenti Tatıana Kýaglıo (jetekshisi Raýshan Matkerımova) jáne Jetisý memlekettik ýnıversıtetiniń 3-kýrs stýdenti Anıa Idıgova (jetekshisi fılologııa ǵylymdarynyń kandıdaty, professor S.Mashanova), 3-oryndy QazUÝ-diń 1-kýrs magıstranty Aıymgúl Majenova (jetekshisi fılologııa ǵylymdarynyń kandıdaty, dosent A.Baqytov) ıelendi. Atalǵan konferensııa stýdentter men jas ǵalymdar úshin óte paıdaly boldy. Bolashaqta bul dástúrdiń jalǵasyn tabatynyna senimdimiz.
Almash SEIDIKENOVA,
fılologııa ǵylymdarynyń kandıdaty,
dosent dıplomatııalyq aýdarma kafedrasynyń meńgerýshisi,
Alma MURTAZA,
aǵa oqytýshy
