Eýroparlament músheleri Facebook dırektory Mark Sýkerbergke bir saǵatqa sozylǵan jıyn barysynda málimetter qaýipsizdigi, dezınformasııa, monopolııa týraly suraqtar qoıdy.
Sýkerberg málimetter qaýipsizdigi týraly aıta kele Facebook qoldanýshylardyń jeke aqparattaryn suraıtyn myńdaǵan qosymshalarmen jumys isteıtinin, bul máseleni sheshý úshin azdaǵan ýaqyt kerek ekenin aıtty. Al terrorǵa qatysy bar akkaýnttar arnaıy kompıýterlik júıeler arqyly avtomatty túrde óshirilip otyratynyn aıtty. "Dezınformasııaǵa keler bolsaq, Facebook jalǵan aqparat taratatyn adamdardyń ekonomıkalyq stımýlyn anyqtaýǵa tyrysatyn bolady", dedi ol.
Eýroparlament músheleri Facebook kompanııasyndaǵy monopolııalyq bılik týraly da suraqtar qoıdy. Manfred Veber "Monopolııany joıý kerek. Facebook-ti birneshe iri kompanııaǵa bóletin ýaqyt jetti dep oılaımyn", dedi. Buǵan jaýap retinde Mark Sýkerberg Facebook kompanııasynyń álemdik jarnamanyń 6 paıyz úlesin qamtıtynyn atap ótti ári kóptegen jańa talaptarǵa degen suranystardyń artýynan kompanııa únemi jańa naryqqa beıimdelip otyratynyn atap ótti.
