Senat tóraǵasy Elbasynyń basshylyǵymen elimiz ekonomıkada jáne qoǵamdyq-saıası salada aýqymdy reformalardy tabysty júrgizip otyrǵanyn aıtty.
- Álemde bizdi beıbitshilik súıgish ult, ulttyq qundylyqtardy órkendetýmen jáne ulttyq rýhty nyǵaıtýmen aınalysatyn birtutas halyq retinde biledi, -dedi Qasym-Jomart Toqaev.
Senat Spıkeri Atyraý oblysyn ulttyq ekonomıkanyń kóshbasylarynyń biri dep atady. О́ńir jalpy, sonyń ishinde jan basyna shaqqandaǵy óńirlik ónim, ónerkásiptik óndiris, sheteldik ınvestısııalardy tartý sııaqty kórsetkishter boıynsha jetekshi oryn alady. Basty óńirlerdiń biri bolyp tabylatyn oblys respýblıkalyq bıýdjetke qomaqty úles qosady.
Q.Toqaev tehnologııalar, ınnovasııalar, sıfrlandyrý salalaryndaǵy túbegeıli ózgeristerge baılanysty ulttyq ekonomıkanyń aldynda turǵan syn-tegeýrinderge jete toqtaldy.
- О́ziniń Joldaýynda Memleket basshysy Tórtinshi ónerkásiptik revolıýsııa jaǵdaıynda elimizdiń oıdaǵydaı damýynyń jańa vektoryn qalyptastyrdy. Ony iske asyrýǵa biz ábden oılanyp barýǵa mindettimiz, bul másele bulǵaqtaýdy kótermeıdi, ádemi sózder men termınder naqty isti kóleńkesinde qaldyrmaýy tıis, -dedi Qasym-Jomart Toqaev.
Sóıleý barysynda Qazaqstan tehnologııalyq jańǵyrtý, ınnovasııalyq ındýstrııalandyrý, adam kapıtalyn damytý, kásipkerlikti qoldaý, agrarlyq sektordy, kólik jáne logıstıkalyq ınfraqurylymdy jańǵyrtý salalarynda júzege asyrýy tıis mindetter aıtyldy.
Memlekettiń azamattardyń ál-aýqatyn arttyrýǵa kúsh salýy týraly aıta kele, Q.Toqaev eń aldymen jastar men jas otbasyn qoldaýǵa baǵdarlanǵan prezıdenttik áleýmettik bastamalardy iske asyrýdyń mańyzdylyǵyna toqtaldy.
Qazaqstannyń jańarýynda jańa ulttyq ıdeologııany qalyptastyratyn qoǵamdyq sanany jańǵyrtý erekshe oryn alady.
Spıker túbegeıli ózgeristerdi júzege asyrýda óz halqynyń tarıhyna, dástúrleri men mádenıetine qurmetpen qaraýǵa tárbıelengen, sonymen birge progress pen ınnovasııalarǵa daıyn qazaq jastarynyń jańa býyny sheshýshi ról atqarýy tıistigin atap kórsetti.
Senat Tóraǵasy kezdesýge qatysýshylardy Parlamenttiń Memleket basshysy qoıǵan mindetterdi iske asyrýǵa baǵyttalǵan zańnamalyq qyzmeti týraly habardar etti.
- Biz, depýtattar, óz tarapymyzdan óńirlerdi tıimdi damytýǵa baǵyttalǵan bastamalardy qoldaýǵa jáne jergilikti memlekettik basqarý men ózin-ózi basqarýdy zańnamalyq qamtamasyz etýge daıynbyz, - dep atap kórsetti óz sóziniń qorytyndysynda Q.Toqaev.
О́z kezeginde Atyraý oblysynyń ákimi Nurlan Noǵaev Memleket basshysynyń bastamalaryn Atyraý oblysy turǵyndarynyń keńinen qoldaǵanyn aıtyp ótti. Alǵa qoıǵan mindetterdi oryndaý úshin jergilikti bılik bar kúshin salady.
- Bul úshin barlyq jaǵdaı – qarjylyq, adamı kapıtal, óńir azamattarynyń ómirin jaqsartýǵa umtylysy bar. Biz Memleket basshysy qoıǵan mindetterdi sheshýge múmkindik beretin zańnamalyq bastamalarǵa rızamyz. Atyraý oblysy munaı óndirýshi óńir bolyp sanalady, alaıda sońǵy jyldary ekonomıkanyń basqa da salalaryn damytý boıynsha belsendi jumystar júrgizilýde. Agroónerkásiptik keshendi qoldaý jónindegi memlekettik baǵdarlamalar óńirdi jergilikti óndirýshilerdiń taýarlarymen qamtamasyz etýge jaǵdaı týǵyzdy. Jańa jumys oryndaryn qurýǵa jáne halyqty servıstik qyzmettermen qamtamasyz etýge múmkindik beretin shaǵyn jáne orta bıznes damýda, - dedi óz sózinde Nurlan Noǵaev.
Kezdesýdiń aıaǵynda Parlament Senatynyń tóraǵasy Qasym-Jomart Toqaev belsendi azamattyq ustanymy jáne máslıhattardyń jumysyna qosqan úlesi úshin Atyraý oblysynyń birqatar depýtattaryn qurmet gramotalarymen marapattady.
Aktıv aıaqtalǵannan keıin Senat tóraǵasy óńirdiń birqatar óndiristik jáne aýyl sharýashylyǵy kásiporyndaryn aralady.
