Oǵan UQShU Bas hatshysy Iýrıı Hachatýrov pen UQShU birikken shtabynyń bastyǵy general-polkovnık Anatolıı Sıdorov qatysty.
Otyrys barysynda UQShU-ǵa múshe memleketterdiń qorǵanys vedomstvosy basshylary Ortalyq Azııa aımaǵyndaǵy ujymdyq qaýipsizdikke qatysty syn-qater men áskerı qaýipsizdikke tóngen qaýipterdi talqylady. Sondaı-aq Ujymdyq qaýipsizdik jónindegi shart uıymynyń aldaǵy jylǵy basqarý organdary, qurama jáne qurylymdyq kúshter júıesiniń birlesken daıarlyq josparyn, 2018 jyldyń jartysyna, 2019 jyldyń birinshi jartysyna ishki saıasat, qaýipsizdik pen qorǵanys máselesi boıynsha keńes berý josparyn maquldady.
Sonymen qatar 2020 jylǵa deıingi kezeńge UQShU-ǵa múshe memleketterdiń qarýly kúshteri úshin áskerı mamandardyń birlesken daıarlyǵy júıesin damytý tujyrymdamasyn iske asyrý sharalarynyń josparyn qabyldady. «Otyrysta uıymǵa múshe memleketterdiń ujymdyq qaýipsizdigi men turaqtylyǵyn nyǵaıtýǵa qatysty máseleler qaraldy. Al kezekti otyrys 2018 jyldyń ekinshi jartyjyldyǵynda ótedi», dedi elimizdiń Qorǵanys mınıstri.
Al UQShU Bas hatshysy Iýrıı Hachatýrov otyrystan keıin jýrnalısterge bergen suhbatynda UQShU Qorǵanys mınıstrleriniń keńesi otyrysynda qatysýshy elderdiń Qorǵanys mınıstrleri UQShU birikken shtabynyń bastyǵy general-polkovnık Anatolıı Sıdorovtyń ókilettiligin taǵy 3 jylǵa uzartý týraly usynysty qoldady, dep habarlady. Endi bul sheshimdi UQShU múshe elderiniń memleket basshylary qoldaýy qajet.
Venera TÚGELBAI,
«Egemen Qazaqstan»
