Kóktem erte shyǵatyn ońtústik dıqandary egistikten jınalǵan alǵashqy 136,4 myń tonna aýyl sharýashylyǵy ónimderin Reseı, Belarýssııa memleketteri men elimizdiń soltústik aımaqtaryna jóneltiltip te úlgerdi. Onyń 38,5 myń tonnasy Maqtaral aýdanynyń enshisinde. Maqtaral aýdanyna jasaǵan sapary kezinde oblys ákimi Janseıit Túımebaev memleket tarapynan aýyl sharýashylyǵy salasyna barynsha qoldaý men kómek kórsetilip jatqanyn, aýdanǵa ótken jyly 4019,7 mln. teńge kóleminde sýbsıdııa bólingenin atap ótti.
Sondaı-aq, bıyl memleket tarapynan 55 myń tonna mıneraldy tyńaıtqysh pen 27 myń tonnadan astam janar maı berilgen. Birqatar sharýa qojalyqtarynda bolǵan oblys ákimi Atameken aýyldyq okrýgi, Talapty aýylyndaǵy «Maıbek» sharýa qojalyǵyndaǵy egilgen qarbyz alqabynyń jumysymen tanysty. Eki gektar jerge egilgen baqsha daqyly búginde pisýge shaq qalǵan. Qojalyq bıyl 3 gektar jerge maqta, 2 gektar jerge baqsha, 1,74 gektar jerge kókónis daqyldaryn ekken.
Jalpy aýdanda bıylǵy jyly 138 myń gektardan astam sýarmaly jerge aýyl sharýashylyǵy daqyldary egilgen. Onyń 27 064 gektaryn baqsha daqyldary quraıdy. Naqtyraq aıtsaq, bıyl maqtaraldyq dıqandar 19 500 gektarǵa qaýyn, 7 564 gektarǵa qarbyz egipti, al oblys boıynsha baqsha daqyldarynyń kólemi - 51,5 gektar.
Erkin DOSYMBAI,
Ońtústik Qazaqstan oblysy
