– Jańa ıdeıalardy jas urpaq ákeletinin árdaıym esten shyǵarmaýymyz qajet. Jastardyń jalyny men darynynda ǵalamat kúsh-qýat bar ekenin jaqsy bilemiz. Sizderdiń boıyńyzda bar bilim, iskerlik pen tapqyrlyq, bastamashyldyq pen jańashyldyq bizdiń elimizdiń baıandy bolashaǵy úshin óte qajet ekenin esten shyǵarmańyzdar.
Alash arysy Álıhan Bókeıhanov aıtqandaı: «Bóten kisi qazaqqa eshqaıdan eshteńe jaqsylyq ákep bermeıdi». Osy oraıda, meniń aıtarym: jarqyn bolashaq – sizderdiń qoldaryńyzda.
Qazaq jastary bilimge óte zerek jáne tym erekshe daryndy bolyp keledi. Jastarǵa aıtarym: batyldyqpen alǵa umtylyńyzdar, jarqyn bolashaqtyń kilti óz qoldaryńyzda, eńselerińizdi tik ustap, árdaıym dem beretin asqaq rýhtan ajyramaý kerek.
Eń bastysy – eńbek. Qaı kezde de, aldymen kásibı biliktilik pen qajyrly eńbek qajet bolady. Keleshektiń ekonomıkasy men saıasatynda jalqaý, enjar, bilimi taıaz adamdarǵa oryn bolmaıdy. Bul da ýaqyttyń talaby.
О́z halqynyń tarıhyn, salt-dástúri men mádenıetin qurmetteıtin rýhta tárbıelengen, progress pen ınnovasııaǵa beıim jańa býyn – qazaq jastary túbegeıli rýhanı jańǵyrýdy júzege asyratyn asa qýatty kúsh jáne bul iste sheshýshi ról atqarýy tıis.
