Aıtýly ssenograftyń esimi barsha álemge áıgili. Esıo Frıdjerıonyń ónerge qosqan úlesi ushan-teńiz. Zamanaýı horeografııanyń damýyndaǵy eleýli oqıǵa – onyń mýzykalyq teatr salasyndaǵy jumystary. Frıdjerıonyń Djordjo Strelermen birge júzege asyrǵan Dj.Verdıdiń «Sımon Bokkanegra» (1971j.) jáne «Falstaf» (1980 j.), R.Vagnerdiń «Loengrın» (1981j.), V.A.Mosarttyń «Fıgaronyń úılený toıy» (1973 j.) jáne t.b. opera qoıylymdary álemdik tanymaldylyqqa ıe bolyp, HH ǵasyrdaǵy opera teatrynyń klassıkasyna aınaldy.
Ol «Astana Opera» teatry sahnasyndaǵy kóptegen ataqty balet jáne opera spektaklderiniń ssenografııasyn jasady. О́ziniń jubaıy – «Oskar» syılyǵynyń ıegeri, kostıýmder boıynsha sýretshi Franka Skýarchapınomen birge qazaqstandyq mýzykalyq teatrdyń damýyna eleýli úles qosty. Elordalyq teatrdaǵy qoıylymdarǵa jasaǵan biregeı jumystarynyń qatarynda – A.Jubanov, L.Hamıdıdiń «Abaı», Dj.Pýchchınıdiń «Madam Batterflıaı», J.Bızeniń «Karmen», S.Prokofevtiń «Romeo men Djýletta», P.Chaıkovskııdiń «Uıqydaǵy arý», «Aqqý kóli», B.Asafevtiń «Baqshasaraı burqaǵy», M.Petıpanyń «Baıaderka», L.Mınkýstyń «Don Kıhot» týyndylary bar.
– Sizdiń «Astana Opera» teatryna arnap jasaǵan spektaklderińiz – qazaqstandyq ónerimizdiń mańdaıaldy týyndylary. Olar opera jáne balet jaýharlarynyń álemdik qazynasyna eneri sózsiz. Odan ári jemisti seriktestikke senim bildire otyryp, sizge uzaq ómir, zor densaýlyq tileımiz, – dedi Mádenıet jáne sport mınıstri Arystanbek Muhamedıuly.
О́z kezeginde, Esıo Frıdjerıo elimizdiń basshylyǵyna, Mádenıet jáne sport mınıstri Arystanbek Muhamedıulyna, «Astana Opera» teatrynyń dıreksııasyna osynaý joǵary marapat úshin alǵysyn bildirip, «Dostyq» ordenimen marapattalǵan tuńǵysh ıtalııalyq atanýy ol úshin úlken mártebe ekenin atap ótti. Ssenograf Elbasy Nursultan Ábishuly Nazarbaevtyń Qazaqstandaǵy mádenıetti qoldaýdaǵy mańyzyn erekshe basa aıtty. Qoıýshy ssenograftyń sózinshe, sońǵy jyldary Qazaqstan men Italııa arasyndaǵy mádenı kópir nyǵaıyp, odan saıyn berik bola túsken.
