Parlament • 25 Mamyr, 2018

Senatta balyq sharýashylyǵyn qoldaý sharalaryn naqtylaý usynyldy

202 retkórsetildi

Senatta «Balyq sharýashylyǵyndaǵy ınnovasııalyq damý perspektıvalary jáne qazirgi jaı-kúıi, eksportqa baǵyttalǵan ónim shyǵarý máselesi» taqyryby boıynsha elimizdiń Aýyl sharýashylyǵy mınıstrliginiń basshylyǵymen kezdesý boldy, dep habarlady Parlament Senatynyń Baspasóz qyzmeti. 


 


Sharany Senattyń Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Asqar Beısenbaev ashyp, Memleket basshysy Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» halyqqa Joldaýynda agrarlyq sektordy ekonomıkanyń jańa draıverine aınaldyrý qajettigi týraly aıtqanyn eske saldy. Qazaqstan kóptegen baǵyttar boıynsha álemdik naryqtaǵy iri eksporttaýshy bola alady. Eń bastysy «Qazaqstanda jasalǵan»-«Made in Kazakhstan» brendimen shyǵatyn ónim ekologııalyq taza bolýy tıis. Elimizdiń ekonomıkalyq damýynda A. Beısenbaev aıtqandaı, balyq sharýashylyǵy erekshe ról atqara alady. Keıingi kezde bul salada aýqymdy jumastar atqaryldy. Sonymen birge, senator atap ótkendeı, birqatar ózekti máseleler de bar. Atap aıtqanda, salany damytý jónindegi baǵdarlamalyq qujattyń joqtyǵy, balyq ónimderiniń kóptegen bóligi kóleńkeli aınalymǵa ketýi, balyq sharýashylyǵy salasynda bilikti mamandardyń jetispeýshiligi oryn alýda. Sondaı-aq ınspektorlar quramy eńbekaqysynyń tómendigi, áleýmettik jeńildikterdiń joqtyǵy, ınspeksııanyń materıaldyq-tehnıkalyq jabdyqtalýynyń tómendigi qıyndyq týǵyzyp otyr. A. Beısenbaev atap ótkendeı, sharaǵa qatysýshylar osy máselelerdi talqylaýy tıis.

Aýyl sharýashylyǵy mınıstriniń orynbasary Erlan Nysanbaev negizgi baıandama jasap, elimizdiń balyq sharýashylyǵynyń qazirgi jaı-kúıi men keleshegi týraly parlamentshilerdi habardar etti. Ol salanyń damýyna bólingen qarjy kólemi, balyq ónimderiniń eksporty men ımporty, 2021 jylǵa deıingi balyq sharýashylyǵyn damytý boljamdary týraly aıtty. Salalyq mekemeniń ókili balyq sharýashylyǵyn memlekettik qoldaý men elimizdiń birqatar aımaqtaryndaǵy ınnovasııalyq jobalardy iske asyrý jáne ınnovasııalyq damý sharalaryna jan-jaqty toqtaldy.

Senat depýtaty Sársenbaı Eńsegenov balyq sharýashylyǵyn qoldaý jónindegi birqatar syn eskertpeler aıtyp, óz usynystaryn ortaǵa saldy. Senator salany tıimdi basqarýdyń nasharlyǵy týraly aıta kelip, salanyń ýákiletti organy – Balyq sharýashylyǵy jónindegi komıtetti qurý týraly másele kóterdi. Sondaı-aq balyq sharýashylyǵy kásiporyndaryn memlekettik qoldaý sharalaryn jetildirý, onyń ishinde olardyń eksporttyq múmkindikterin yntalandyrý týraly da aıtyldy. S. Eńsegenov Kaspıı teńiziniń balyq resýrstaryn ıgerýge kvota bólý júıesin ózgertý jónindegi ózekti máselelerge de toqtaldy.

Shara barysynda ınvestısııalar jáne damý mınıstrligi ınvestısııalar jónindegi komıteti tóraǵasynyń orynbasary Larısa Jumaǵalıeva, Qazaq balyq sharýashylyǵy ǵylymı-zertteý ınstıtýtynyń bas dırektory Qýanysh Isbekov, «Qazaq balyq sharýashylyǵy» balyqshylarynyń qoǵamdyq birlestikteri men balyq sharýashylyǵy sýbektileriniń respýblıkalyq qaýymdastyǵy basqarma tóraǵasynyń orynbasary Serik Temirhanov, «Jaıyq-Atyraý bekire balyq ósirý zaýyty» respýblıkalyq memlekettik qazynalyq kásiporynynyń dıektory Gılman Sársemalıev sóz sóıledi.

Kezdesýge qatysýshylar sózderiniń negizinde balyq sharýashylyǵyn retteıtin zańnamany jetildirý jáne tıisti memlekettik organdardyń  sharalar qabyldaýy jóninde usynystar qabyldanatyn boldy. Salany damytý jónindegi qadamdardyń biri retinde «Bıologııalyq resýrstardy saqtaý jáne ornyqty paıdalaný» arnaıy salalyq baǵdarlamasyn ázirleý jáne ony bekitý týraly usynys jasaldy.

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar