Basqosýda Lázzat Ábdildaqyzy óziniń oqýshylary arqyly júndi ıirip, odan jip jasaý, toqyma, keste toqý, mataǵa sýret salý ádisterin kórsetti. Qazir onyń jetekshiligimen qolónerdiń qyr-syryn mektep oqýshylary ǵana emes atalǵan bilim ordasynyń ustazdary da úırenip júr.
– Bul bastamamdy qolǵa alǵanyma da jeti-segiz jyldyń kólemi bolyp qalypty. Alǵash ret bastaǵanda mundaı deńgeıge jetemin dep oılamaǵan edim, – deıdi Lázzat Ábdildaqyzy. – Búldirshinder bárine ıkem keledi. Úıretkenińdi birden qaǵyp alady. Eger osy qalpynda jalǵastyrar bolsa erteń shákirtterimniń arasynan álemge tanymal dızaınerler shyǵatynyna senimdimin.
Lázzat Ábdildaqyzy budan bólek ulttyq kıimderdi tigý, sándeý jumystaryn da úıretedi. Is-sharanyń kelesi bóliginde shákirtteri daıyndaǵan kıimderdiń sán kórsetilimi ótti.
