Jeńil atletıka • 27 Mamyr, 2018

BI Marathon-ǵa álemniń 20 elinen 7200 adam qatysty

182 retkórsetildi

Mamyrdyń 27-si kúni Astanada ótken úshinshi halyqaralyq qaıyrymdylyq BI Marathon-ǵa álemniń 20 elinen 7200 adam qatysty.

Tirkelýden túsken barlyq qarajat «BI Juldyzaı» qaıyrymdylyq qoryna jiberiledi. 2016 jyly osy aksııa aıasynda 10 mln teńge, al 2017 jyly 16 mln teńge jınalǵan, bul qarajatqa balalardyń estý jáne bas mı músheleriniń jumysyn jaqsartýǵa arnalǵan tomatıs terapııasyna arnaıy óńdelgen SOLISTEN qurylǵylaryn satyp alýǵa jumsaldy. 

Osy jyly uıymdastyrýshylardyń boljamdy deregi boıynsha qor shotyna marafonǵa tirkelýden shamamen 22 mln teńge qarajat túsken. 

- Bul Qazaqstandaǵy jalǵyz 100% qaıyrymdylyq marafony. Iаǵnı jınalǵan barlyq qarajat qorǵa aýdarylady, al marafonnyń búkil shyǵynyn BI Group kompanııasy óteıdi. О́ziniń ǵana emes, qaramaǵyndaǵy qyzmetkerlerdiń, qalanyń, eldiń qamyn oılaıtyn osyndaı kompanııanyń bary qýantady. Ultymyzdyń deni saý bolýy tıis, óıtkeni bul bizdiń bolashaǵymyz. Al eń qoljetimdi sport túri ol – júgirý, deıdi BI marafonnyń bas tóreshisiniń kómekshisi, qazaqstandyq ýltramarafonshy, halyqaralyq dárejedegi sport sheberi Marat Jylanbaev. 

Jalpy, BI Marathon elordamyzdyń turǵyndary men qonaqtary úshin jarqyn sporttyq merekege aınaldy. О́tken jylǵydaı marafon qashyqtyǵy 5, 10, 21 jáne 42,2 shaqyrymdy qurady. Al eń kishkentaı qatysýshylar úshin 2 shaqyrymdy quraıtyn balalar júgirýi de bolady. Aıtpaqshy, aıta keteıik, eń jas qatysýshy – Marat Jylanbaevtyń qyzy 4 jasar Alııana 2 shaqyrymǵa júgirse, eń egde qatysýshy 76 jastaǵy aqsaqal Qaıyrbaı Sálimov 42 shaqyrymdyq tolyqqandy marafondy júgirip ótti. Sondaı-aq, qatysýshylardyń arasynda bokstan Olımpıada oıyndarynyń chempıony Serik Sápıev te boldy.

Álı BITО́RE,

«Egemen Qazaqstan»

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar