2011 jylǵy 22 qarasha, Astana, Úkimet Úıi
Temeki buıymdaryn satý júzege asyrylatyn oryndarda ornalastyrylatyn temeki shegýdiń zııany týraly eskertýdi bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 159-babynyń 3-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan temeki buıymdaryn satý júzege asyrylatyn oryndarda ornalastyrylatyn temeki shegýdiń zııany týraly eskertý bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 22 qarashadaǵy №1367 qaýlysyna qosymsha
Temeki buıymdaryn satý júzege asyrylatyn oryndarda ornalastyrylatyn temeki shegýdiń zııany týraly eskertý
1. Temeki buıymdaryn satý júzege asyrylatyn oryndarda ornalastyrylatyn temeki shegýdiń zııany týraly eskertýdi temeki buıymdarynyń kóterme jáne bólshek saýda qyzmetin júzege asyratyn jeke jáne zańdy tulǵalardyń oryndaýy mindetti bolyp tabylady.
2. Temeki buıymdarynyń kóterme jáne bólshek saýdasyn júzege asyratyn oryndarda ornalastyrylatyn temeki shegýdiń zııany týraly osy eskertý (budan ári – Eskertý) temeki shegýdiń zııany týraly sýret pen jazýdan turady.
3.Sýret osy Eskertýge qosymshaǵa sáıkes bolýy tıis.
4.Jazýlardyń mátini mynadaı talaptarǵa sáıkes bolýy tıis:
1) eki tilde basylýy tıis: joǵarǵy jaǵynda – memlekettik tilde, tómengi jaǵynda – orys tilinde;
2) Eskertýdiń negizgi tómengi bóliginiń 20% (jıyrma paıyzyn) alyp jatýy tıis;
3) qaripterdiń ataýy – tilge sáıkes Helvetica kz jene Helvetica;
4) qariptiń kólemi – 20 pt;
5) baǵyty – tómengi jıegine qatarlastyra, soldan ońǵa qaraı;
6) túsi – qara, CMYK C52.M41.Y40.K100 spektri.
5. Temeki buıymdarynyń kóterme jáne bólshek saýdasyn júzege asyratyn oryndardaǵy ornalastyrylatyn Eskertý kelesi talaptarǵa sáıkes bolýy tıis:
1) ornalasý alańy – A4 formaty jáne odan úlken;
2) edennen keminde 150 sm jene 200 sm aspaıtyn deńgeıde ornalasý;
3) saýda ornyna tikeleı jaqyn jerde ornalasý.
6. Densaýlyq saqtaý salasyndaǵy ýákiletti organ osy Eskertý alǵashqy resmı jarııalanǵan kúninen bastap kúntizbelik tórt kúnnen keshiktirmeı eskertýdiń elektrondyq nusqalaryn www.mz.gov.kz saıtynda ornalastyrady.
Temeki buıymdaryn satý júzege asyrylatyn oryndarda ornalastyrylatyn temeki shegýdiń zııany týraly eskertýge qosymsha
