Foto: avtor
Konsert Astananyń 20 jyldyǵyna arnaldy. Baǵdarlama úsh bólimnen quralǵan, «Qazaq ulttyq bıi», «Zaman bı» jáne «Shelkýnchık» baleti. Eki saǵat ishinde kórermender sıqyrly bı álemin tamashalap úlgerdi. Sonyń ishinde Petr Chaıkovskıdiń «Uıqydaǵy sulý» atty klassıkalyq balettiń varıasııasy, Adolf Adannyń «Jızeli», Sezar Pýnıdiń «Konek-gorbýnogy», Lıýdvıg Mınkýstyń «Baıaderkasy», Rıkardo Drıgonyń «Korsary» mekteptiń tárbıelenýshileriniń oryndaýymen sahnany erekshe gúlge bóledi. Al zamanýı bı bóliminen kózge túskenderdiń ishinen Gýllıver men lılıpýttar, «Chıkago» mıýzıklyndaǵy kabare bıshileri, afrıkandyq safarlar, «Vverh tormashkamı» bıimen til almaıtyn balalar, mysyqtar men órmekshiler jáne kirpilerdi ataýǵa bolady.
-«Shelkýnchık» baletin sahnalap otyrmyz,-dedi balet mektebiniń dırektory Kamılııa Ismaılova,-bul ertegi osydan 126 jyl buryn alǵash ret sahnalanǵan. Semeı qalasynda búkil álemge áıgili jáne ártúrli elderde qoıylǵan ertegi qaıta jańǵyryp otyr deı alamyz. Balalardyń jazǵy demalys kezinde de erekshe tamashalaıtyn balet qoıylymy.
Bı keshi ata-analardyń da, oqýshylardyń da jáne mektep ujymynyń da kóńilderine keremet qýanysh qaldyrdy.
Raýshan NUǴMANBEKOVA
Semeı
