Mınıstrdiń aıtýynsha, bıyl Qazaqstanda 1-10 synyp oqýshylarynyń jalpy sany 2,815 mln adamdy quraıdy. Jazǵy kanıkýl kezinde 15 597 saýyqtyrý lageri men alańdary jumys isteıdi dep josparlanýda.
«Balalardyń jazǵy demalysy eki baǵytta: saýyqtyrý jáne ispen shuǵyldandyrý boıynsha uıymdastyrylady. Saýyqtyrýmen 1-10 synyp oqýshylarynyń jalpy sanynan 2,595 mln bala nemese 92,2%-y qamtylady. Jazǵy kezeńde ispen shuǵyldanýmen (seksııalar, úıirmeler, klýbtar, saıahattar jáne t. b.) 2,557 mln nemese oqýshylardyń 91% qamtylady», — dedi E. Saǵadıev.
Daryndy balalardyń jáne halyqtyń áleýmettik osal toptarynan shyqqan balalardyń jazǵy demalysyn uıymdastyrýǵa qarjylyq jáne materıaldyq kómek kórsetýge jergilikti bıýdjet esebinen bıyl 4 mlrd teńgege jýyq qarajat bólindi.
Balalardyń jazǵy demalysyn jáne ispen shuǵyldanýyn uıymdastyrý jónindegi vedomstvoaralyq jumystardy úılestirý úshin sanıtarlyq-epıdemıologııalyq, órt qaýipsizdiginiń, balalar jaraqatynyń, balalardyń qadaǵalaýsyz jáne panasyz qalýynyń aldyn alýdy, medısınalyq qyzmet kórsetýdi jáne saýyqtyrýdy jergilikti jáne ortalyq memlekettik organdardyń qamtamasyz etýi boıynsha sharalardy qarastyratyn QR Premer-Mınıstriniń ókimi áreket etedi.
Demalys kezeńinde balalardyń saýyqtyrý demalysyn jáne ispen shuǵyldanýyn, balalar men jasóspirimder týrızmin damytýdyń 2016–2018 jyldarǵa arnalǵan Jol kartasy iske asyrylýda. BǴM, IIM birlesken buıryǵymen 2017–2019 jyldarǵa arnalǵan balalardy júzýge úıretýdi uıymdastyrý jónindegi sharalar jospary bekitilgen. Mınıstrlik Vedomstvoaralyq sharalar jospary aıasynda júzý jattyǵýlarynda qamtylǵan balalardyń sany týraly aqparatty baqylaıdy.
О́ńirlerdegi jaǵdaı týraly Mańǵystaý oblysynyń ákimi E. Toǵjanov, Aqtóbe oblysynyń ákimi B. Saparbaev, Astana ákimi Á. Isekeshev, Almaty ákimi B. Baıbek jáne Aqtóbe oblysy ákiminiń orynbasary V. Krylov baıandady.
Máseleni qaraý qorytyndysy boıynsha QR Premer-Mınıstri Baqytjan Saǵyntaev ákimderdiń, ishki ister, densaýlyq saqtaý mınıstrleriniń nazaryn balalardyń qaýipsizdigin qamtamasyz etý máselesine aýdardy. Sondaı-aq balalar lagerleriniń jumysyna qoǵamdyq baqylaýdy kúsheıtý jáne ata-analar men muǵalimder arasynda únemi aqparattyq-túsindirý jumystaryn júrgizý qajet.
Baqylaý jumystary QR Premer-Mınıstriniń orynbasary E. Dosaevqa júkteldi.
Aıta keteıik, Qazaqstanda jaz mezgilinde 1104 aýla klýby jumys isteıtin bolady, onda 144 190 bala (2017 j. — 1088, onda 150 864 bala) qamtylady. Jaz qorytyndysy boıynsha sportpen jáne týrızmmen 735 myń, nemese 26% oqýshy qamtylatyn bolady.
453 eńbek jáne demalys lageriniń, onda 24 myń bala, 451 mektep ormanshylyǵynyń, onda 32 myń oqýshy, 5365 maýsymdyq eńbek jasaǵynyń, onda 137 myń joǵary synyp oqýshysynyń jumystary josparlanýda. Jalpy, eńbekpen 32% nemese shamamen bir mıllıonǵa jýyq oqýshy qamtylatyn bolady (2017 j. — 951 myń bala, 35,5%). Jazǵy kezeńde 7 myń jazǵy olımpıadalyq rezerv mektebiniń, kóshbasshylar aktıviniń, tildik mekteptiń, debat klýbtarynyń, 14 myńnan astam qyzyǵýshylyqtar boıynsha klýb pen úıirmeniń, aýla klýbynyń jumystary uıymdastyrylady, sporttyq, týrıstik, ekskýrsııalyq-tanymdyq jáne shyǵarmashylyq baǵytta 19 myńnan astam is-shara júrgiziledi.
