Memleket basshysynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Qazaqstan halqyna joldaýynda bergen tapsyrmalaryn iske asyrý, tegin medısınalyq kómektiń kepildik berilgen kóleminiń (TMKKK) jańa modelin ázirleý týraly baıandaı otyryp densaýlyq saqtaý mınıstri TMKKK tizbesin qalyptastyrýǵa jáne mindetti áleýmettik medısınalyq saqtandyrý (MÁMS) júıesinde medısınalyq kómek paketine jańa tásilderdi qaraýdy usyndy.
Bul modeldi engizýdi úsh kezeńde júzege asyrý kózdelgen:
Qazirgi jaǵdaıda TMKKK-ny barynsha naqtylaý jáne ońtaılandyrý maqsatynda medısınalyq qyzmetterdi basym etý jáne shekteý arqyly TMKKK paketindegi medısınalyq kómektiń tolyq revızııasy júrgiziletin bolady.
TMKKK-niń jańa modelin MÁMS-ti engizýmen birge óristetý. Bul kezeń, E. Birtanovtyń aıtýynsha, bir jaǵynan TMKKK boıynsha memleket mindettemeleriniń naqty shegin belgileı otyryp, MSAK-tyń profılaktıkasyna jáne basymdyqty damytýǵa baǵyttalǵan saıasatty odan ári qamtamasyz etýmen, ekinshi jaǵynan MÁMS júıesine tolyq aýqymdy kóshý jáne odan ári damytýmen sıpattalady.
Medısınalyq tehnologııalardy damytýdy eskere otyryp, TMKKK jáne MÁMS tizimderin únemi jańartyp otyrý.
Osylaısha, TMKKK-da medısınalyq kómek árbir adamǵa jedel jáne shuǵyl kúttirmeıtin jaǵdaılarda, sondaı-aq barlyq qoǵamǵa mańyzy bar, ıaǵnı demografııalyq kórsetkishterdiń nasharlaýyn týdyratyn jáne múgedektikke alyp keletin aýrýlar boıynsha kórsetiledi.
Bıyl TMKKK-nyń naqtylanǵan tizbesi jasaldy, ol medısınalyq-sanıtarlyq alǵashqy kómektiń profılaktıkalyq baǵyttylyǵyna basymdyq bere otyryp, medısınalyq kómektiń formalary boıynsha qalyptastyrylǵan.
«MÁMS júıesinde medısınalyq kómek ár adamnyń ómir sapasyn jaqsartýǵa baǵyttalatyn bolady. TMKKK jańa modelin jáne MÁMS júıesinde medısınalyq qyzmetter paketin engizýdi qarastyratyn zań jobasy ázirlenip, saraptamanyń barlyq kezeńderinen ótti», — dedi E. Birtanov.
Máseleni qaraý qorytyndysy boıynsha Premer-Mınıstr Baqytjan Saǵyntaev Memleket basshysy óz Joldaýynda tegin medısınalyq kómektiń kepildik berilgen kóleminiń jańa modelin ázirleýdi tapsyrǵanyn atap ótti.
Densaýlyq saqtaý mınıstrliginiń TMKKK-ny qurý jónindegi tásilderi qoldaýǵa ıe boldy, belgilengen tártipte Úkimetke bekitýge usynylýy tıis.
Sonymen qatar, Densaýlyq saqtaý mınıstrligine halyqpen aqparattyq-túsindirý jumystaryn júrgizý tapsyryldy. Árbir azamat kepildik retinde medısınalyq kómektiń qandaı kólemi tegin beriletinin, qanshasy aqyly negizde júrgiziletinin bilýi tıis.
