Aralas jekpe-jek: Damır dodaǵa daıyn

Aralas jekpe-jek álemin­degi bedeli zor uıymnyń chem­pıondyq ataǵyn ıelenip otyr­ǵan Damır Ismaǵulov 1991 jyl­dyń 3 aqpanynda Orynbor ob­lysy Pervomaı aýdanynyń Ýdarnyı aýylynda dúnıege keldi. Bala kezinen ala doptyń sıqyryna arbalǵan onyń armany myqty fýtbolshy bolý edi. Alǵashqy kezderi aıaq alysy ja­man bolǵan joq. Aýyl men aýdan­da óz qatarynyń aldy bolyp, kóp­shilik nazaryna ilik­ti. Oblys qu­ramasynyń sa­pyn­­da Reseıdiń aımaqtyq týr­nır­lerinde óner kór­­setti. Alaı­da ınstıtýtta oqyp júrgen ke­­zinde aıaǵynan aýyr jarqat alyp, sonyń salda­ry­nan asqaq ar­­­manymen qosh aı­tysýǵa týra kel­di.

Sporttyń sıqyryna bir ar­balǵan adamnyń osy saladan al­shaqtap ketýi múmkin emes qoı. Jaraqatynan aıyqqannan keıin Damır Orynborda bar úıir­melerdiń birazynyń tabal­dy­ryǵynan attady. Aqyry onyń tańdaýy aralas jekpe-jek­ke tústi. Jasy 20-dan assa da, óziniń eńbekqorlyǵy men ta­ban­­­dylyǵy, jankeshtiligi men je­ńiske degen qushtarlyǵynyń ar­qa­synda bıik belesterdi birte-bir­te baǵyndyra bastady. 

2014 jyly alǵash ret aıqas alańyna shyqqan Ismaǵulov permdik Aleksandr Chernyshty utqanymen, kelesi kezdesýinde mahachkalalyq Ramazan Sýle­ba­novqa ese jiberdi. Ol bul sát­siz­dikten úlken sabaq aldy. Jat­ty­ǵý zalynda aıanbaı ter tógip, ár jarysqa erekshe qushtarlyqpen daıarlandy. Aıqas alańynda baryn­sha saýatty qımyldap, basty qarsylastaryn birinen keıin birin yǵystyra bastady. Bas-aıaǵy tórt jyldan asa ýa­qyt aralyǵynda Damır 17 jek­pe-jek ótkizip, 15 ret je­ńis­ke jetti. Osy oraıda, bul tek iri halyqaralyq doda­lar­da tirkelgen nátıjeler ekenin esterińizge sala ke­teıik. Odan bólek, ol túrli kom­mer­sııalyq týrnır­ler­ge qa­ty­syp, san márte jeńis tu­­ǵy­ryna kóterildi. Máse­len, 2016 jyldyń jelt­oq­san aıyn­da Alataý baý­­raı­­ynda el táý­e­l­sizdi­giniń 25 jyl­­­dyǵyna oraı jek­pe-jek­­ten dúbirli ja­rys uıym­­das­ty­­rylǵany jan­kúıer­­­le­rdiń esin­­de bolar. 70 kı­lo sal­maqta saı­ysqa túsken Oryn­­­bordan kel­­gen qanda­symyz Temir­lan Aısádilov, Aıbek Nurseıit já­ne Murat Baq­ty­­­orazov sekildi saı­yp­­qy­ran­­dar­­ǵa san soqtyryp, bas júl­dege ti­gilgen «temir tul­par­dy» tiz­gin­dedi. 

Sonymen qatar byltyrǵy jyldyń aqpan aıynda Sankt-Peterbýrgte ótken «M-1 Chal­lenge 74» týrnıri bary­syn­daǵy my­na bir oqıǵa esten ke­ter emes Aıtýly jarysta Da­mır Is­maǵulov Fransııanyń sa­qa sportshysy Morgan Erony úshinshi raýndta tehnıkalyq no­kaýtpen utyp, jekpe-jek aıaq­talǵan bette sóz kezegi je­ńimpazǵa tıdi. Mıkrofondy al­ǵan ol: «Osy múmkindikti paıdalana otyryp, «M-1» uıymynyń basshylaryna óz óti­nishimdi bildirgim keledi. Reı­tıngtik básekelerge ábden «toı­dym». Kóp rahmet. Endi chem­pıondyq táj úshin talasqym ke­ledi. Maǵan sondaı múmkindik be­ri­ńizder. Bul sátti búkil Oryn­bor halqy taǵatsyzdana kú­tip otyr. Meniń búkil Reseı já­ne kúl­li Qazaqstanda da jan­kúıer­le­rimniń qatary qalyń. Olar da meniń jarqyn jeńisimdi kórýge erekshe qushtarlanýda», dep aqtaryla sóılegen edi. 

Sóz kezegi qaıta júrgizýshige tıgende ol: «Qolymnan mıkrofondy tartyp alǵanyńyzǵa qaraǵanda, kózdegen maq­sa­ty­ńyzǵa qol jetkizý úshin eshte­ńe­den taısalmaıtyn batyl adam sekildisiz...» dep áńgimeni ázil­men bastaǵany sol edi, qazaqtyń uly birden: «Búgin men sizdiń qo­ly­ńyzdan mıkrofondy tartyp alsam, erteńgi kúni chempıonnyń belindegi altyn bel­beýdi julyp áketemin. Oǵan esh kúmándaryńyz bolmasyn», dep batyl sóıledi. 

Damır jigit eken. Sózinde tur­dy. Sol jyldyń mamyr aıynda Orynborda uıym­das­ty­­rylǵan týrnırde qazaqtyń uly­na tán qaısarlyq tanytqan Is­ma­ǵulov Sankt-Petebýrgten kelgen Maksım Dıvnıchti besinshi raýnd­ta tehnıkalyq nokaýtpen utyp, 70 kılo salmaq dárejesi boıynsha «M-1» uıymynyń chempıondyq belbeýin ıelendi. Odan keıin Damır taǵy eki jekpe-jek ótkizip, ekeýinde de jeńiske jetti. Bul básekelerde ol brazılııalyq Rojerıo Karran­ka men grýzııalyq Raýl Tata­raýlıden basym tústi. 

Mine, sol Damır baýyrymyz óz ataǵyn úshinshi márte qorǵaý úshin 15 maýsymda qaıta aıqas alańyna shyǵady. Jattyǵý ju­mystarynyń sońǵy kezeńin ol Almaty qalasyna kelip, Alataý baýraıynda ótkizdi. Al qarsylasy jaıynda aıtar bol­saq, 34 jastaǵy Artem Dam­kov­skıı­diń de jekpe-jek óneri­n­de jıǵan tájirıbesi zor. Ol mý­aı-taı, qoıan-qoltyq aıqas já­ne pankratıonnan ótken kóp­tegen halyqaralyq jarys­tarda top ja­rǵan. Osydan segiz jyl buryn Artem bul kúnderi jarqyn jul­dyz­ǵa aınalyp, UFC-de kúsh syna­syp júrgen cheshenstandyq Maırbek Taısýmovty tize búk­tir­di. Osy jeńisiniń arqasynda ol «M-1» uıymynyń altyn bel­beýin ıelengen edi. Alaıda kóp uza­maı Belarýs sportshysy sol ataǵynan aıyrylyp qaldy. Osy kúnge deıin Damkovskıı bar­lyǵy 32 kezdesý ótkizip, 22 már­te jeńiske jetti. 

Ǵalym SÚLEIMEN,

«Egemen Qazaqstan»

ALMATY