Sol­tús­tik Qazaqstan ýnıver­sı­te­ti­niń kitaphanasy jańa kitaptarmen tolyqty

Eńseli oqý orny qabyr­ǵasynda ótken rásimde sóılegen sózinde oblys ákiminiń orynbasary Madııar Qojahmet oqytýshy-professorlar men stýdent-jas­­tardyń nazaryn Elbasy qol­daýy arqasynda atq­ary­lyp jatqan is-sharalardyń mań­yz­dy­ly­ǵy­na aýdaryp, gýma­nı­­t­arlyq ǵy­lymdar salasyna da ba­symdyq be­rilgenin, birneshe jylǵa eseptelgen joba aıasynda álemdegi eń úzdik oqýlyqtar qa­zaq tiline júıeli túrde aýdarylaty­nyn, munyń ózi qazaq tilin baı­yt­yp, bilim berý sapasyn joǵa­ry­la­­ta­tynyn atap kórsetti.

Kitaphanashy Janna Ǵabdýl­lına qazaqshaǵa tárjimalanǵan 18 oqý­lyqtyń 3500 danasy túskenin, muny­men shektelmeıtinin, kitap­ha­nany tolyqtyrý isi j­al­ǵa­sa­tynyn jet­kizdi. Sóı­leý­shiler­diń pikir­le­rine qaraǵanda tarıh, pedagogıka, psıhologııa, áleýmettaný, fı­lo­sofııa, ekonomıka, saıasattaný má­selelerin qamtıtyn ádebıetter stý­dent­ter­diń zaman talabyna saı kóz­qarastaryn ornyqtyrýmen qa­tar, laıyqty bilim alýlaryna jan-jaqty múmkindik bermek. Jańa oqý jylynan bas­tap joǵary oqý oryndary bul oqýlyqtardy bilim berý úrdisinde qoldanatyn bolady.

«Rýhanı jańǵyrý» baǵ­darlamasynyń jobasy negi­zinde tikeleı aǵyl­shyn tili­nen aý­da­rylǵan kitaptar qazaq ti­liniń aý­qymyn keńeı­teri, stý­dent­ter­diń bilimin tereń­de­teri sóz­siz. Reseı professory Svet­lana Termınasovanyń ár el­diń má­denıetinen syr sher­te­tin eń­be­gimen tanysyp shyqtym. Sa­pa­ly aýdarylýymen, jeńil oqy­lýy­men erekshelenedi deıdi Qazaq tili men ádebıeti kafedrasynyń meńgerýshisi Janar Talaspaeva. Jastar saıasaty jónindegi bas­qar­manyń basshysy Irına Týh­va­týl­lınanyń paıymdaýynsha, álem­dik deńgeıdegi ǵylym, bilim jetistikterin ıgerý – búgingi kún talaby. Kitaptardyń mazmuny da, kórkemdik bezendirilýi de kóńilge qonymdy.

Stýdentter de sheteldik má­de­nı injý-marjandardy qazaq tilin­de oqý­ǵa múmkindik alǵan­da­ryna qýa­nyshty. Solardyń biri – Toǵjan Dúı­senǵalı. Ol shetel fılosofy Ento­nnı Kennııdiń shyǵar­masyn oqý­ǵa alypty. Aǵyl­shyn tilin meń­ger­megen jastar úshin taptyrmas rý­hanı qa­zyna bolyp tabylatynyn, ózge mem­lekettermen rýhanı árip­tes­tikti nyǵaıtýda taptyrmas baı­­lanys quraly ekenin aıtady.

О́mir ESQALI,

«Egemen Qazaqstan»

Soltústik Qazaqstan oblysy