Atalǵan áleýmettik nysan Ońtústik Qazaqstan oblysynyń ákimi Janseıit Túımebaevtyń múmkindigi shekteýli balalarǵa úıde qyzmet kórsetetin bólimshelerden kúndizgi qatynaý bólimshelerine kezeń-kezeńimen ótkizý tapsyrmasyna oraı el ıgiligine berilip otyr. Osy tapsyrma aıasynda 2017 jyly aýdan boıynsha 107 balany kúndizgi qatynaý bólimshesine ótkizýdi josparlap, osy sharamen 77 balany qamtylǵan bolatyn. Al bıylǵy meje - 160 balany kúndizgi qatynaý bólimshelerimen qamtý.
"Bul degenimiz aýdanymyzdaǵy eshbir múgedek bala eskerýsiz, qoldaýsyz, qamqorlyqsyz qalmaıdy degen sóz. Sebebi, aýdanymyzdaǵy áleýmettik qyzmet kórsetý sapasy jyldan jylǵa jandanyp keledi. Oǵan dálel - osy ortalyqtyń ashylýy. Elbasymyz qashanda balalarǵa qamqorlyq jasap, memleket tarapynan kóptegen qoldaýlar bildirip keledi. Sondyqtan sizder úmitti aqtap, sabaqty jaqsy oqıtyndaryńyzǵa, úlgili de tártipti bala bop ósetinderińizge senimim mol. Endeshe, sizderdi merekemen quttyqtaı otyryp, ortalyqty ashyq dep jarııalaımyn!" - dedi Jamantaı Qanaıuly.
Aýdanymyzdaǵy áleýmettik qyzmet kórsetý júıesin odan ári jańǵyrtý maqsatynda byltyrǵy jyly Jetisaı qalasynan 25 múmkindigi shekteýli balaǵa arnalǵan múgedek balalardy ońaltý ortalyǵy ashylǵan bolatyn. Sol ortalyqta bir jylda 74 bala óz densaýlyǵyn ońaltýǵa múmkindik aldy. Mine, búgin jańadan ashylǵan "Asyqata múgedek balalardy ońaltý ortalyǵy" 25 múmkindigi shekteýli balaǵa tıisti qyzmetter kórsetetin bolady.
Aıta keteıik, búginde Maqtaral aýdanynda 11946 múmkindigi shekteýli azamattar bar. Onyń 1832-si 18 jasqa deıingi balalar bop sanalady. Jyl basynan beri 421 múmkindigi shekteýli balaǵa aýdan ákimdigi tarapynan áleýmettik qoldaýlar kórsetildi. Sondaı-aq, balalarǵa 100 áleýmettik qyzmetker bólingen.
Ońaltý ortalyǵynyń ashylý saltanatynan soń aýdan ákimi J.Beısenbaev Asyqata kentiniń mádenıet úıinde ótken qaıyrymdylyq is-sharasyna qatysty. Balalar kúnine oraı uıymdastyrylǵan jıynda 86 áleýmettik turmysy tómen otbasyǵa aýdan ákiminiń uıytqy bolýymen tegin azyq-túlik úlestirildi.
