Taǵzym etý sharasyn eskertkish-memorıalǵa gúl shoqtaryn qoıýdan bastaǵan oblys ákimi Amandyq Batalov kópshilik aldynda sóz sóılep, 31 mamyr el tarıhyndaǵy eń bir azaly kúnderdiń biri ekenine toqtalyp ótti.
- Jyl saıyn osy kúni – el táýelsizdigi úshin kúresken, ultymyzdyń birtýar, aıaýly ul-qyzdaryn, jazyqsyz japa shekken qurbandardy eske alamyz. Jappaı saıası qýǵyn-súrgin qurbandaryn aqtaý, zańsyz qýdalanǵan azamattardyń quqyǵyn qalpyna keltirý jumystary qansha ýaqyt ótse de toqtalmaýy tıis. Biz Elbasynyń «Rýhanı jańǵyrý» baǵdarlamasy aıasynda jazyqsyq qurban bolǵan babalardyń rýhyna arnap, Jańalyq aýylynda mýzeı salýdy uıǵaryp, bıyl qurylysyn bastadyq. Mýzeıdiń ekspozısııalyq zalynda ult qaıratkerleri týraly materıaldar qoıylyp, osy jerde jerlengen saıası qýǵyn-súrgin qurbandarynyń aty-jónderi tas taqtaǵa oıylyp jazylatyn bodady, - dedi aımaq basshysy.
О́z kezeginde sóz alǵan respýblıkalyq Qýǵyn-súrginge ushyraǵandar qaýymdastyǵynyń tóraǵasy Jumabek Ashýuly qazaq jerinde ár kezeńde túrli sıpatta oryn alǵan náýbetterdiń tarıhyna, onyń zalaly men bolashaq úshin sol qaraly tarıhty bilýdiń mańyzyna toqtaldy. Al saıası qýǵyn-súrgin qurbany, aqyn, qoǵam qaıratkeri Ilııas Jansúgirovtiń uly Saıat Jansúgirov ákesine arnaǵan joqtaý jyryn oqydy.
Oblys ákimi atap ótkendeı, osy Jańalyq aýlynda saıası qýǵyn-súrgin qurbandaryna arnalǵan mýzeı irge kóterip jatyr. Qurylys jumystaryna 288 mln. teńge bólingen. Jalpy aýmaǵy 535 sharshy metrdi quraıtyn taǵzym úıi ótkenge salaýat aıtyp, qasiretti kezeńge táýbe etetin kıeli orynǵa aınalmaq.
- Osydan 20 jyl buryn «Ádilet» qoǵamdyq birlestigine osy aýmaqtan 17 gektar jer berilgen edi. Biraq, áýelgide oıǵa alǵanymyzdaı, mýzeı salý bastamasy keıinge qalyp keldi. Sol 20 jyldyq arman-maqsattarymyz bıyl júzege asyp jatyr. Osy úshin Almaty oblysynyń basshylyǵyna rızashylyq bilderemiz, - dedi respýblıkalyq «Ádilet» qoǵamdyq birlestiginiń tóraǵasy Ǵarıfolla Ánes.
Qalmahanbet MUQAMETQALI,
«Egemen Qazaqstan»
Almaty oblysy
