Saltanatty rásim Aqtóbe qalasynda ánshiniń «Dımashtyń Otany» atty týryna qatysýshy 10 memleketten kelgen tabynýshylyq toptardyń jetekshilerimen kezdesý kezinde ótti.
«Bir jarym aı buryn fýtbolıst Messı álem týrızminiń elshisi atandy. Biz de Dımashqa qazaqstandyq týrızm elshisiniń sertıfıkatyn usynyp otyrmyz. Ol óz eliniń patrıoty», - dep, atap ótti «Kazakh Tourism» UK» AQ Basqarma tóraǵasy Rashıd Kúzembaev.
Dımash Qudaıbergen týrızm elshisi retinde Qazaqstandy halyqaralyq deńgeıde ilgeriletýdi jáne álemniń túpkir-túpkirinen óz tyńdarmandaryn elimizdi kórýge shaqyrýdy belsendi túrde jalǵastyrady dep kútilýde.
Dımash naǵyz patrıot bola tura, óz konsertterinde jáne BAQ kózderinde árqashan fanattaryn Qazaqstanǵa shaqyryp júredi. Týrdyń ıdeıasy da osydan shyqqan. Al marshrýt quramyna Dımash shetelde únemi aıtyp júretin týǵan qalasy Aqtóbe, elordamyz Astana jáne eń úlken qalamyz Almaty kirdi.
Jalpy týr ánshiniń balalyǵy men shyǵarmashylyǵymen baılanysty jerlerge barýdy, mysalǵa Aqtóbedegi mektebin kórýdi, sondaı-aq artıstiń jaqyndary men týystarymen túrli kezdesýlerdi, Dımashtyń ustazy, ári Qazaqstan Respýblıkasynyń eńbek sińirgen qaıratkeri Marat Aıtımovtyń master-klassy jáne taǵy basqany qamtıdy.
Búkil álemnen kelgen Dımashtyń tabynýshylaryna arnap osyndaı týrlardy otandyq týroperatorlar turaqty túrde ótkizetin bolady. Al osy týrlardan túsken qarjynyń bir bóligi keleshkete Dımash brendin álemdik deńgeıde odan ári nyǵaıtýǵa jáne órletýge baǵyttalady.
