Semeıde Lenın kóshesi men Túıemoınaq aralynyń ataýy ózgeretindigin oblys ákiminiń orynbasary Ásem Núsúpova arnaıy kelgen saparynda málimdegen bolatyn. Osydan bir jyl buryn Túıemoınaq aralyna qatysty jıynda Semeı qalasynyń qrmetti azamaty, derbes zeınetker Mustafa Ilııasov aral týraly bylaı dep túsinik berdi:
- Osy jerge Elbasymyz Nursultan Nazarbaev kelip, talaı jıyndarǵa qatysty. Halyq aldynda Semeı ıadrolyq synaq polıgoynynyń máńgige jabylǵany týraly jáne Qazaq eliniń beıbit atomdy damytatyndyǵy týraly keleli áńgime qozǵady. Semeı qalasynyń irgesinde ornalasqan, Ertis ózeni arqyly jalǵasqan osynaý ádemi araldy qazaqtar «Túıemoınaq» dep atasa, ózge ult ókilderi «Polkovnıchıı» dep ataıdy. Sóıtip ekige bólinip jarylyp júr. Bul eki ataý da resmı bekitilmegen. Bul aralda halyqaralyq mańyzǵa ıe nysandar bar, máselen, sheteldikter de «29-ynshy tamyz halyqaralyq Iаdrolyq qarýǵa qarsy is-qımyl kúninde» de osy jerge kelip, taǵzym etedi. Munda álemge áıgili «О́limnen de kúshti» monýmenti bar, ekinshisi «Beıbitshilik» stellasy, bolashaqta Beıbitshilik murajaıy salynady dep otyrmyz. Qala aqsaqaldary, ardagerler osy oraıda ózara keńese kele Túıemoınaq aralyna «Beıbitshilik» degen ataý berilse degen uıǵarymǵa keldik.
Aıta ketý kerek, Beıbitshilik aralynda Álıhan Bókeıhan, Júsipbek Aımaýytov syndy alash arystarynyń jıyny talaı ótken, jaýyryny jerge tımegen Qajymuqan óner kórsetip, Ámire Qashaýbaev, Maıralar án salǵan tarıhı mańyzdy oryn. Semeılikter endi bul araldy Túıemoınaq dep te, Pokovnıchıı dep te atamaıtyn boldy. Bárine ortaq «Beıbitshilik» dep ataldy.
Raýshan NUǴMANBEKOVA
sýret avtordyki.
SEMEI
