«Nazarbaev Zııatkerlik mektepteriniń» qurylǵanyna 10 jyl tolýyna oraı uıymdastyrylǵan bul sharaǵa bir mezgilde myńdaǵan oqýshy, ustazdar, ata-analar men demeýshiler jumyla atsalysty.
Kezekti oqý jylynyń aıaǵy Qazaqstannyń túkpir-túkpirindegi aýyl mektepterinde úlken merekege ulasty. Nazarbaev mektebiniń mereı toıy tek oblys ortalyqtarynda emes alystaǵy aýyldarda da toılanýda. Ásirese eń uzaq sapar О́skemendik mekteptiń enshisinde boldy. Olar qaladan 700 shaqyrym qashyqtyqta ornalasqan Kúrshim aýdanyndaǵy Marqakól kentine atbasyn tiredi.
«Qoldaıyq aýyl mektebin!» aksııasy eń aldymen avtobýstarǵa tıelgen túrli júkterdi mektepke tasýdan bastaldy. Ár óńirdegi aýyl mektepterine 3D prınterleri syıǵa berildi. Atalǵan zamanaýı quraldy Almaty qalasyndaǵy fızıka-matematıka baǵytyndaǵy Nazarbaev Zııatkerlik mektebi qurastyryp shyǵardy. Merekelik kósh alty myńǵa jýyq kitapty, úsh myńǵa tarta bólme gúlderin, sporttyq oıyndarǵa arnalǵan quraldardy apardy. Ártúrli jınaqtaǵy ádebıetterdi Nazarbaev Zııatkerlik mektebiniń oqýshylary men ustazdary oqý orynda dástúrge aınalǵan «Bookrossing» aksııasynda jınaǵan. Al synyptarǵa erekshe sán jáne hosh ıis syılaıtyn ósimdikterdi Zııatkerlik mektep oqýshylary, mekteptiń jylyjaılarynda baptap ósirgen. Endi syılyqtar aýyl mektebiniń kórkine sán qosyp, mundaǵy bilim alýshy balalardyń kádesine jaraıtyn bolady. Sondaı-aq mektepterdiń dálizderine «Oqý. Izdený. Talaptaný», jańartylǵan bilim berý mazmuny aıasyndaǵy ádistemelik taqtalar ilingendigin tilge tıek eteıik. Aýyl balalaryn ásirese «100 kitap» jobasy, «Rýhanı Jańǵyrý» maqalasyna negizdelgen is-sharalar erekshe qyzyqtyrdy.
Eń áýeli «Nazarbaev Zııatkerlik mektepteri» DBBU-ń basqarma tóraıymy Kúlásh Shámshıdınova men Astana qalasyndaǵy fızıka-matematıka baǵytyndaǵy Nazarbaev Zııatkerlik mektebiniń dırektory Meıram Jákenovtyń qolynan tartý etilgen syılyqtardy Aqmola oblysyndaǵy Qazqalashyq selosynyń mektebi ıelendi. Bul mekteptiń balalary rasynda tarıhta este qalatyn bolady. Olar Zııatkerlik mektepterdiń mereıli on jyldyǵyna oraı túsirilip jatqan «10 jyldyq belester» atty derekti fılminiń keıipkerlerine aınaldy. Atap ótsek, bul fılmdi zamanaýı talaptarǵa saı kásibı sheberler «Black & White» stýdııasy ázirleýde.
Al Almaty qalasyndaǵy fızıka-matematıka baǵytyndaǵy Nazarbaev Zııatkerlik mektebiniń qaýymdastyǵy jýyrda ǵana jaryqqa shyqqan «Bastaý» atty oqýshylardyń shyǵarmalar jınaǵyn Jambyl aýdanynyń mektebine tabystady. Oleg Pak myrza almatylyq oqýshylardyń óleńderin, esse-shyǵarmalary men túrli eńbekterin zor qýanyshpen usyndy.
Shyraıly Shymkent óńirinde «Qoldaıyq aýyl mektebin!» aksııasy senbilikten bastaldy. Aımaqtaǵy hımııa-bıologııa baǵytyndaǵy Nazarbaev Zııatkerlik mektebiniń ustazdary men oqýshylary Tóle bı aýdanyndaǵy Tasaryq aýylyna eki kún buryn arnaıy kelip mekteptiń qabyrǵalardy bezendirdi. Mundaǵy oqý orynnyń ekinshi qabatyna qazaqtyń áıgili ǵulamalary Ál-Farabı, Abaı, Muhtar Áýezov, Ybraı Altynsarın, Ahmet Baıtursynovtyń asyl sózderi jazylǵan týyndylary ilingen, Qazaqstan Respýblıkasynyń Tuńǵysh Prezıdenti Nursultan Nazarbaev buryshy jáne aqparattyq jarqaǵazdar oryn tapqan.
Árıne, munyń barlyǵy materıaldyq ıgilikter bolsa, eń basty qundy syılyqtar aýyl mektepteriniń muǵalimderine tartý etilgen jańa ádistemelik eńbekter, jańartylǵan bilim berý mazmunyn qoldaýǵa baǵyttalǵan kómekshi quraldardy ataýǵa bolady. Olardyń arasynda matematıka, hımııa, bıologııa, fızıka, tarıh, qazaq, orys jáne aǵylshyn tilin oqytýdaǵy nusqaýlyqtar aýyl mektepteriniń muǵalimderine kúndelikti oqytýda paıdaǵa asatyny qýantady. Bul oqýlyqtardyń barlyǵy oqýshylardyń boıynda syndarly kózqaras, synı oılaýdy damytýdy kózdeıdi.
Delegattar quramynda Pedagogıkalyq sheberlik ortalyǵynyń mamandary da boldy.
– Áriptesterdiń búgin joly boldy. Olarǵa elimizdegi eń jetekshi mektepterdiń úzdik oqytýshylary men daryndy shákirtteri arnaıy kelip buryn sońdy bolmaǵan mereke uıymdastyrdy, – deıdi Pavlodar oblysyndaǵy Maıqaıyn orta mektebiniń dırektory Samal Saqtasynqyzy. Baıanaýylda Nazarbaev mektebiniń kúni ótkiziletinin estigin ózge de seriktes mektepterdiń muǵalimderi atalǵan is sharaǵa arnaıy kelip tájirıbe alańyna qosyldy.
«Nazarbaev Zııatkerlik mektepteri» derbes bilim berý uıymy basqarma tóraıymynyń orynbasary Nazıpa Aıýbaeva Jambyl oblysyndaǵy Qostobe orta mektebinde boldy. Ol óz kezdesýinde NIS Rrogramme oqytý baǵdarlamasynyń halyqaralyq deńgeıde moıyndalǵanyn rastady.
– Bes jyl buryn biz osy jumysymyzdy bastaǵanda kóbi kúdikpen qarady. Al búgin ujymdyq eńbektiń jemisin kórip otyrmyz. О́ıtkeni barlyq aımaqtarda qurylǵan «Nazarbaev Zııatkerlik mektepteri» óz qataryna barlyq orta bilim berý uıymdaryn jetelep keledi», – dedi Nazıpa Altynbekqyzy.
«Oqýshylarǵa «Oılaý dızaıny», úshtildilik, «CLIL» ádisi, «STEAM-XXI ǵasyrǵa qajetti daǵdylardy damytýdyń jańa joly» negizinde olardyń zertteýshilik qabiletterin arttyrý baǵytyndaǵy suraqtar Aqtóbe oblysynyń Mártók aýdanyndaǵy Rodnıkovskıı orta mektebinde talqyǵa tústi.
Al Atyraý oblysyndaǵy «Qoldaıyq aýyl mektebin!» aksııasy Janbaı aýylynyń mádenıet úıinde qorytyndylandy. Munda atyraýlyq balalar Ábish Kekilbaevtyń «Aqyrǵy aıaldama» shyǵarmasyn sahnalyq drama jáne kóleńke teatry arqyly usyndy.
Oństústik astananyń hımııa-bıologııa baǵytyndaǵy Nazarbaev Zııatkerlik mektebi «Dostar serti» shyǵarmasyn alyp keldi. Janashar aýyldyq okrýgine kelgen «Dream team» shyǵarmashylyq ujymy óz mıýzıkli arqyly dostyq pen adaldyqty nasıhattady. Sonaý ótken 70-jyldardyń keremet romantıkalyq áserin boıamasyz jetkize bilgen jastar buryn sońdy kórmegen qoshemetke bólendi.
Barlyq aımaqtardaǵy aýyl mektepteriniń esikteri bul kúni alys jaqyn mańdaǵy qonaqtar úshin aıqara ashyldy. Synyptar men mektep akt zaldarynda tájirıbe almasý saǵattary, oqýshylardyń qoıylymdary úzilgen joq.
Al atyraýlyq oqýshy Dospan Aımuhanov óziniń týǵan jerindegi mektebine qaıta oraldy. Kezdeısoqtyq, biraq osydan týra bes jyl buryn Hamıdolla Náýbetov atyndaǵy jalpy bilim beretin aýyl mektebiniń balasy ózi oqyǵan altyn uıasyna Nazarbaev Zııatkerlik mektebiniń oqýshysy bolyp oralatynyn bilip edi me?! Atalǵan mekteptiń dırektory Ǵımadı Jıenǵazıev, Nazarbaev Zııatkerlik mektebiniń delegasııasymen kezdesýde Dospannyń qalaı aýyl mektebinen Nazarbaev Zııatkerlik mektebine túskenin onyń tabel kóshirmesine mór qoıǵanyn da eske túsirdi.
– Mine, sol kezdegi kishkentaı qara bala qazir úlken jigit boldy. Tek bizdiń mekteptiń emes kúlli aýyldyń maqtanyshy, – dedi Naýbetov mektebiniń dırektory Ǵımadı Moldaǵazyuly.
Jambyl oblysyndaǵy Qostóbe aýylynyń muǵalimi Halıma Naýryzbaeva sýyryp salma ónerimen bárin tańqaldyrdy. Ol Tarazdan kelgen meımandarǵa arnap jalyndy jyrlaryn arnady.
On jyldyqqa arnalǵan bul aksııany alǵashqylardyń biri bop Tuńǵysh Prezıdenttiń kitaphanasy qoldaý kórsetti. «Abyroı» ulttyq qundylyqtardy damytý qory, belgili jýrnalıst, medıamenedjer Bıbigúl Jeksenbaı myńdaǵan shyǵarmalardy, ásirese Muǵalı Maqataevtyń óleńder jınaǵynyń elektrondy nusqasyn syıǵa tartty. Shalǵaıdaǵy mektepterge keń kólemdi kitap qoryn tabystaýǵa «Delovoı mır Astana» JShS-gi de erekshe qoldaý bildirdi. Al «Qazsınk» metallýrgııalyq kompanııasynyń qarjylaı qoldaýymen 300-ge tarta fýtbol, basketbol jáne voleıbol doptary satyp alyndy.
Jambyl oblysyndaǵy Qostóbe orta mektebiniń dırektory Nurbolat Mamyrbaev elimizdegi barlyq ustazdar qaýymy atynan óz alǵysyn bildire otyryp, Nazarbaev Zııatkerlik mektepteriniń kúnin ótkizýdi dástúrge aınaldyrýdy usyndy. Innovasııalyq mektep muǵalimderine tyń serpin, shyǵarmashylyq tasý tilegen aýyl muǵalimderi erekshe rızashylyǵyn jetkizdi.
«Nazarbaev Zııatkerlik mektepteriniń» bastamasymen iske asqan «Qoldaıyq aýyl mektebin!» meretoılyq aksııasy áli de elimizdiń barlyq aımaqtarynda jalǵasyn taýyp jatyr!
