Aksııanyń maqsaty – minez-qulqynda aýytqýshylyǵy bar balalar tárbıelenetin ortalyqtaǵy balalardy medısınalyq keshendi tekserýden ótkizý. Aksııa aıasynda sonymen qatar áleýmettik jaǵdaıy tómen otbasylardyń da balalary qamtyldy. Mamandar tekserýi barysynda balalardyń densaýlyǵy qalypty ekendigi anyqtaldy.
Túrksib aýdanynyń jasóspirimder isi boıynsha polısııasy sonymen qatar jaǵdaıy tómen otbasylardy aralap, azyq-túlik, kıim-keshektermen qatar balalarǵa arnalǵan táttiler de úlestirdi. Mundaı shara qalanyń Áýezov aýdanynda jalǵasyn tapty. Al Bostandyq aýdanynda aýdandyq Ishki ister basqarmasy qyzmetkerleri balalar úıine baryp, arnaıy syı-sııapattar úlestirdi. Mereke kúni árbir bala ózi qalaǵan syılyqtarǵa ıe bolyp, qyzyqty konsert tamashalady.
Elvıra SERIKQYZY,
«Egemen Qazaqstan»
ALMATY
