Mýzykalyq orkestrler sherýi D.Nurpeıisova atyndaǵy akademııadan bastalyp, Isataı-Mahambet atyndaǵy ortalyq alańda aıaqtaldy. Bul jerde shara qonaqtaryna balalar men jastar shyǵarmashylyq ujymdarynyń teatrlandyrylǵan qoıylymdary kórsetildi.
Aýqymdy mádenı sharaǵa 4 myńǵa jýyq adam qatysty – bul barabanshylardan, shyǵarmashylyq ansamblderden, charlıdırler, mýzykalyq jáne bı ujymdarynan quralǵan 43 top.
Atyraý oblysy ákiminiń orynbasary Nursáýle Saılaýovanyń aıtýynsha, mýzykalyq orkestrler sherýi Astananyń 20 jyldyq mereıtoıyna oraı ótti jáne bul dástúrge aınalady.
- Búginde balalar, oqýshylar men stýdentter úshin jarqyn bolashaqtyń esigi aıqara ashyq. Memleket jas urpaqty keshendi damytý úshin kóptegen múmkindikter berýde - balabaqshalar, mektepter salýda, jańa bedeldi bilim berý mekemeleri ashylýda. Úzdik stýdentter shet elderde oqý jáne tájirıbeden ótý múmkindigine ıe, elimizdiń joǵary oqý oryndarynda tegin bilim alýǵa granttar bólinedi. Biz Qazaqstanymyzdyń bolashaǵy jarqyn bolaryna senimdimiz,- deıdi shara qatysýshylaryna Nursáýle Saılaýova.
Aıta keteıik, 2017-2018 oqý jylynda Atyraý oblysynda 5183 túlek mektep bitirdi. Olardyń ishinde 153 - i «Altyn belgige» úmitker, 91 – i úzdik attestat alýdan úmitti.
