"Biz páterlerdi baspanasy joq jastar alǵanyn qalaımyz. Bul baǵdarlamany pátersiz júrgenderge arnalyp otyr. Sondyqtan da osy baǵyttaǵy jumystar kimge jáne ne úshin jasalyp jatqanyn barsha qoǵamǵa túsindirý qajet. Tıisti esepteýler jasaldy, otbasynyń eki múshesi jumys istegen kezde eshqandaı problema joq. Ipotekalyq nesıe 7 paıyzdan aspaıdy", - dedi Elbasy.
Memleket basshysy osyǵan deıin turǵyn úı baǵdarlamalary boıynsha bastapqy jarnany baspana qunynan 50 paıyz kóleminde talap etkenin, al qazir tek 20 paıyz ekenin atap ótti. Sonymen qatar buryndary nesıeni berý merzimi eń kóp degende 10 jyl qurasa, búginde 25 jylǵa sozylyp otyr.
"Barlyq partııa músheleri, ákimder baǵdarlama aıasynda tıisti sharalardy baqylaýǵa alyp, qajetti jumystardy laıyqty deńgeıde iske asyrýy tıis. Iаǵnı baspana kimge qajet bolsa, sol alýy tıis. Sáıkesinshe, adamdar osy úderiske qosylyp, jumystaryn bastaýy kerek", - dep atap ótti Nursultan Nazarbaev. Elbasy turǵyn úı baǵdarlamasyn iske asyrý qurylys salasyndaǵy qarqyndy arttyratynyn, osy salada bıznes damý múmkindigine ıe bolatynyn jetkizdi. "Amerıkany Ford myrza bastaǵan avtomobıl ónerkásibi kóterse, bizdi turǵyn úı qurylysy men aýyl sharýashylyǵy kóteretinin men únemi aıtyp kelemin", - dep eskertti Memleket basshysy.
