Sondaı-aq, balalar úıiniń tárbıelenýshilerine, joǵary oqý oryndaryna oblys ákiminiń 100 bilim granty bólinedi. О́tken jyly 95 jas tegin bilim alý múmkindigine ıe bolǵan-dy. Halyqaralyq balalardy qorǵaý kúnine arnalǵan «Árqashan kún sónbesin» atty is-sharada oblys ákimi J.Túımebaev Elbasy jas urpaqtyń erteńine erekshe mán berip kele jatqanyn atap ótti.
«Memleket basshysy «elimizde týylǵan árbir balany memleket óz qamqorlyǵyna alýǵa tıis» degen bolatyn. Mine, osy baǵytta atqarylyp jatqan is kóp. Senderdiń elimizdiń bedeldi azamaty bolatyndaryńa kámil senemin», -dedi oblys basshysy quttyqtaý sózinde. Oblys turǵyndarynyń 1 mln. 240 myńnan astamy 18 jasqa deıingiler. О́kinishke qaraı, jetim jáne ata-anasynyń qamqorlyǵynsyz qalǵan balalar sany -2648, onyń 2068-i qorǵanshylyq jáne qamqorshylyqqa, 184-i patronattyq tárbıege ótken. Al 349-y balalar úılerinde tárbıelenýde.
Merekelik jıynda balalar úıiniń tárbılenýshilerine syı-sııapat jasaldy. Sondaı-aq, oblys ákimi túrli baıqaýlarda top jarǵan, balalar úıiniń ónerli 10 oqýshysyn «Alǵys hatpen» marapattady. Odan bólek, jıynǵa qatysqan barlyq balalarǵa túrli oıynshyqtar úlestirildi. Al 50 bala kınoteatrlardyń, Astana qalasyna jasalatyn 3 kúndik ekskýrsııanyń bıletine ıe boldy. Saltanatty rásim balalarǵa arnalǵan merekelik dastarhan men konserttik baǵdarlamaǵa ulasty. Sonymen qatar, balalar Jaılaýkól demalys aımaǵyndaǵy attraksıondarda kóńil kóterip, asfaltte sýret salý baıqaýyna qatysty.
Erkin DOSYMBAI,
Sýretterdi túsirgen Samat MYRZALIEV,
Ońtústik Qazaqstan oblysy.
