Delegasııany Batys Qazaqstan oblysy ákiminiń orynbasary Ǵabıdolla Ospanqulov bastap bardy.
«Elbasy N.Á.Nazarbaevtyń óńirlerdi damytý týraly baǵdarlamalaryn oryndaý maqsatynda Aqjaıyq óńirinde atqarǵan adal eńbegińizdi batysqazaqstandyqtar árdaıym joǵary baǵalaıdy. Oblystyń «Qurmetti azamaty» atanýyńyz – óńirimizde qalǵan «Kósherbaev qoltańbasynyń» qoǵamdyq moıyndalýy. Jańa myńjyldyqtyń bas kezinde Oral óńiriniń gúldenýine qosqan úlesińiz úshin Sizge óńir turǵyndarynyń atynan alǵys bildiremin» delingen A.Kólginovtiń quttyqtaýynda.
Qyrymbek Kósherbaev ta Aq Jaıyq jurtyna óz rızashylyǵyn jetkizdi.
- Aq Jaıyq óńiri jasaryp jańarýda, qarqyndy damýda. Elbasynyń sarabdal saıasatyn iske asyrý maqsatynda Batys Qazaqstannyń mártebesi bıik bolsyn! Osyndaı sheshim qabyldaǵan oblys ákimdigine, Altaı áriptesime, oblystyq máslıhattyń depýtattaryna, Aq Jaıyq óńiriniń barlyq azamattaryna basymdy ıip rahmetimdi aıtamyn. Qazaqta «Syr – Alashtyń anasy, Syr – Alashtyń panasy» degen sóz bar. Osyndaı kıeli de qasıetti, Qorqyt baba jerinen sálemimdi jetkizińizder, - dedi Qyrymbek Kósherbaev.
Qazbek QUTTYMURATULY
«Egemen Qazaqstan»
Batys Qazaqstan
