Bıyl atalmysh joǵarǵy oqý ornyn bakalavrıat, magıstratýra jáne RHD baǵdarlamalarynyń 811 stýdenti bitirdi. Onyń ishinde bakalavrıat baǵdarlamasy boıynsha 506 stýdent, magıstratýra boıynsha 302 túlek jáne doktorantýra dárejesi boıynsha 3 stýdentdıplom aldy.
Saltanattysharaǵa qatysqan Prezıdent N.Nazarbaev joǵarǵy oqý orynyn támamdap otyrǵan túlekterge júrekjardy lebizin bildirdi.
«Búginde bul ýnıversıtetti bitirýshi árbir túlek Qazaqstannyń áleýetin arttyrýǵa tyń qýat ekenine senemin. Biz Nazarbaev ýnıversıtetin alǵash ashqanda jahandyq tehnologııanyń damý jaǵdaıynda eldi alǵa bastaıtyn bilikti mamandardy daıyndaýdy maqsat etken bolatynbyz. Sol maqsatymyzǵa búgin jetip otyrmyz. Bilim ordasynan buǵan deıin qanat qaqqan 800 jas maman búginde Qazaqstanda, jer júzinde, damyǵan elderde san alýan salada qyzmet etip júr. Júzdegen túlek álemniń eń áıgili oqý oryndarynda shaqyrýmen bilimin jalǵastyrýda. Osynyń bári ýnıversıtet biliminiń eń joǵary sapada ekenin kórsetedi. Biz jastardy jyldar boıy, toqsanynshy jyldardan beri qaraı «Bolashaq» baǵdarlamasyna qyrýar aqsha jumsap, shetelge jiberip daıyndadyq. Qazirde dál sondaı joǵarǵy deńgeıdegi bilimdi ózimizdiń elimizde, Astana tórinde oqytatyn múmkindik týyp otyr», dedi Prezıdent N.Nazarbaev.
Túlekterdiń kópshiligi, atap aıtqanda 195 túlek Ǵylym jáne tehnologııalar mektebi boıynsha joǵarǵy oqý orynyn támamdap otyr. Al, 156 túlek Injenerııa mektebiniń túlekteri.Gýmanıtarlyq jáne áleýmettik ǵylymdar mektebiniń 155 túlegi bakalavrıat stýdentter. Kelesi magıstrlik baǵdarlamalar boıynsha Joǵary bıznes mektebinde 64 túlek, Joǵary bilim berý mektebinde 46 túlek, Joǵary memlekettik saıasat mektebinde 48 túlek, Gýmanıtarlyq jáne áleýmettik ǵylymdar mektebinde 33 túlek, Ǵylym jáne tehnologııalar mektebinde 23 túlek, Injenerııa mektebinde 63 túlek, Medısına mektebinde 25 túlek Nazarbaev ýnıversıtetiniń dıplomyna ıe boldy. Aıta keteıik, joǵarydaǵy Medısına mektebiniń túlekteri alǵashqy túlekter bolyp esepteledi.
Al, doktorantýra baǵdarlamasy boıynsha Joǵary bilim berý mektebinde 3 túlek doktor ZhD dárejesin alyp otyr. Úlken suranysqa ıe mamandyqtardyń ishinde elektrlik jáne elektrondy ınjenerııa, robot tehnıkasy, bıologııalyq ǵylymdar, saıasattaný jáne halyqaralyq qatynastar, matematıka sııaqty pánder.
Búgingi tańda ýnıversıtette tegin bilim alatyn grant ıeleriniń sany 4000 adam. Oqýǵa túsý emtıhandarynyń qorytyndylary boıynsha eń joǵarǵy nátıjege qol jetkizgen talapkerler Nazarbaev ýnıversıtetinde stýdenttiń búkil oqý kezeńindegi shyǵystaryn óteıtin memlekettik bilim berý granty sheńberinde bilim alady.
Saltanatty rásimde ýnıversıtet prezıdenti Shıgeo Katsý myrza aıtyp ótkendeı, Nazarbaev ýnıversıtetiniń túlekteri óz otanyda da, sondaı-aq shetelderde de suranysqa ıe básekege qabiletti jas mamandar. О́tken jylǵy alǵashqy doktorant túlekterdi qosa alǵanda, buǵan deıingi úsh jyldyń túlekteri, ıaǵnı 1800-ge jýyq stýdent ótken jyly ár túrli kompanııalarǵa tabysty jumysqa ornalasqan. «Túlekterdiń jartysynan kóbi birden jumysqa ornalasady. Olar qarjy qyzmetterin kórsetý, ınjenerııa, robot tehnıkasy sektorlarynda jumys isteıdi, iri konsaltıngtik kompanııalarǵa jumysqa ornalasady. Biz kópshiliginiń óz bıznesin ashý úrdisin kórip qýanamyz. Bizdiń stýdentterimiz negizinen Qazaqstan aýmaǵynda jumys isteıdi, al syrtqa ketkender óz bilimderin ary qaraı jalǵastyrýdy kózdeıdi. Stýdentterdiń bir bóligi halyqaralyq kompanııalarǵa tabysty jumysqa ornalasady», deıdi Sh.Katsý.
Saltanatty jıynda aıtylǵandaı, bunyń aldyndaǵy jyldardyń 30-dan astam túlekteri Eýropanyń, Soltústik Amerıkanyń jáne Azııanyń eńbek naryǵynda óz oryndaryn tapqan. Olardyń arasynda Google jáne Microsoft sııaqty jetekshi IT kompanııalarda, sondaı-aq Sılıkon alabynda jumysqa ornalasqan túlekter bar.
Mıras ASAN,
«Egemen Qazaqstan»
