«Astanany» ýkraınalyq maman jattyqtyrady

1 maýsymnan bastap «As­tana» komandasyn ýkraı­nalyq bilikti maman Roman Grı­gorchýk jat­tyqtyrady. Bul týraly bas­pasóz jıynyna qatys­qan komanda prezıdenti Saıan Hamıtjanov málimdep, BAQ ókil­deri aldynda Ro­man Grıgorchýkty resmı túr­de tanystyrdy. Bas­tap­qy ke­lisimshart eki jylǵa jospar­lanǵan.

«Jyl basynda Stanımır Stoı­lov Qazaqstan ulttyq qura­­manyń bas bapkeri bolyp taǵaıyn­dalǵanda biz onyń ornyna ja­ńa bapker izdep jatqan edik. Grı­gorchýkpen bizde belgili bir deń­geıde ortaq kelisim boldy. Men ony «Astanaǵa» naýryz aıynda alyp kelýge tyrys­tym. Biraq onyń Ázerbaıjan­nyń «Gabala» komandasymen ma­myrdyń sońyna deıin kelisim­sharty bar edi. Mine, búgin onymen kelisimshartqa otyr­dyq. Biz qazirge deıin koman­dany jat­tyq­tyryp kelgen Babaıanǵa klýbty ýaqytsha basqara turýyn ótingen edik. Ol óz kelisimin bergen bolatyn. Babaıan klýbta qalyp, Grıgorchýktyń birinshi kómekshisi bolady», dedi S.Hamıtjanov.

Saıan Hamıtjanov tańdaý ne úshin ýkraınalyq mamanǵa tús­ke­nine de toqtalyp ótti. Ol Roman Grıgorchýkty birneshe sebep­pen tańdaǵanyn aıtty. «Birin­shiden, Grıgorchýk Eýrokýbok­tar­da nátıjege jetken bapker. Bul biz úshin óte mańyzdy. Ol úsh komandamen tórt ret Eýro­ký­bokta oınaǵan. Ekinshiden, Ro­man túrli komandalar men elder­ge ońaı beıimdeledi jáne orna­la­sýyna qaramastan nátıje­lerge qol jetkize alady. Grı­gor­chýk Qazaqstan chempıonatyn­da jáne Eýrokýbok básekelerinde ta­bysqa jetý úshin bizdiń maq­sa­tymyzdy tolyǵymen oryn­daı­dy dep senemin», dedi S.Ha­­mı­t­­janov. Sonymen qatar klýb pre­zıdenti jazǵy transfer maý­symynda komanda quramyn kú­sheıtetindigin, klýbqa kómegi tııýi múmkin degen birneshe fýt­bol­shyny qarastyryp jat­qanyn da tilge tıek etti.

53 jastaǵy Roman Grıgorchýk ár jyldary Latvııanyń «Vens­pıls», Odessanyń «Chernomores» já­ne Ázerbaıjannyń «Gabala» ujym­daryn jattyqtyrǵan. Ol soń­ǵy ujymda úsh jarym jyl qyz­met etip, komandamen birge eki jyl qatarynan Eýropa lıga­sy­nyń toptyq kezeńinde synǵa túsken. Sonymen qatar Ro­man Iosıfovıch 2013/2014 jyl­ǵy Eý­romaýsymda Odessanyń «Cher­no­mores» klýbymen týrnırdiń 1/16 fınalyna deıin shyqqan bo­latyn. 

Odan bólek ýkraınalyq maman úsh márte Latvııa chempıonatynda top jaryp, eki márte Balqan tú­be­gi eliniń kýbogynda jeńiske jet­ken. Ázerbaıjan chem­pıo­natynda eki ret kúmis, eki ret qola júldeni jeńip alǵan. Al jekeleı marapatqa keler bolsaq, Grıgorchýk úsh márte Latvııanyń úzdik bapkeri atanyp, Ýkraına jáne Ázerbaıjanda bir retten osy jetistikke qol jetkizgen.

«Astana» komandasynyń jattyqtyrýshysy atanǵanyma qýanyshtymyn. Sońǵy jylda qol jetkizgen jetistiginiń arqasynda «Astana» Eýropaǵa birshama tanylyp qaldy. Bul maǵan úlken jaýap­kershilik júkteıdi. Koman­da tek jeńiske jetýdi úıren­gen. Me­niń jumysym da klýbty je­ńiske jeteleý», dedi Grıgorchýk.

Aıta keteıik, «Astana» koman­dasy bıyl Eýromaýsymdy Chempıondar lıgasynyń birinshi irikteý kezeńinen bastaıdy. Al­ǵashqy oıyn shilde aıynyń 10/11 kúnderine, qarymta kezdesý 17/18 kúnderine belgilengen. О́tken maý­symda elorda ujymy Eýropa lıgasynyń pleı-off kezeńine deıin jetken bolatyn.

Álı BITО́RE,
«Egemen Qazaqstan»