Qazaqstan • 04 Maýsym, 2018

IýNESKO ókilderi memorandýmǵa qol qoıdy

412 ret

kórsetildi

1 mın

oqý úshin

IýNESKO-nyń Dástúrli sporttar men oıyndar komıtetiniń ókilderi resmı saparmen elordaǵa keldi. Sebebi dúnıejúzilik mártebege ıe bul qurylym 2021 jyly ǵalamda tuńǵysh ret álemdik etnooıyndar olımpıadasyn ótkizdi josparlaýda. Atalmysh dodany ótkizýge Japonııa, Kanada qatarly damyǵan eldermen qatar Qazaqstan da nıet bildirýde.

Egemen Qazaqstan

Osy oraıda, joǵarydaǵy usynysty talqylaý maqsatynda IýNESKO-nyń Dástúrli sporttar men oıyndar komıtetiniń tóraǵasy Halıl Ahmed Han, komıtet úılestirýshisi Marsellın Dellı jáne hatshysy Shammı Rana myrzalar elordadaǵy Ulttyq mýzeıde Mádenıet jáne sport mınıstri Arystanbek Muhamedıuly jáne Ulttyq sport túrleri qaýymdastyǵynyń qurmetti prezıdenti Qaırat Satybaldyulymen júzdesip, ekijaqty kelissóz júrgizdi.

Shara aıasynda IýNESKO, Mádenıet jáne sport mınıstrligi, Ulttyq sport túrleri qaýymdastyǵy ózara túsinistik jónindegi memorandýmǵa qol qoıdy. Sondaı-aq mártebeli qonaqtar Astana ótken ulttyq sport túrlerinen Azııa chempıonatyna qatysatyn toǵyz eldiń komanda jetekshileri jáne elimizdegi ulttyq sporttyń jetekshi mamandary qatysqan «Etnosportty damytý jáne nasıhattaý» taqyrybynda semınar-keńeske qatysty.

Beken QAIRATULY,
«Egemen Qazaqstan»