Ol Jetisý Alataýynyń ońtústik silemderiniń arasynda, Almaty oblysynyń Kerbulaq jáne Panfılov aýdandaryna ornalasqan. Shatqaldardan ejelgi adamdardyń tasqa qashap salǵan sýretterin kórýge bolady.
«Altyn Emel» ataýy mońǵol tilinde «Altyn er» degendi bildiredi. Ańyz boıynsha, 1219 jyly Shyńǵyshannyń áskeri Ortalyq Azııany jaýlap alýǵa attanyp, osy alqapty kesip ótip bara jatqanda, kún batyp bara jatqan shaqta sarǵaıǵan shóp jamylǵan taýlardy kórip, uly qolbasshy «Altyn er!» degen eken. Altyn Emel asýy shyn máninde, syrttaı qaraǵanda, er-toqymǵa uqsaıdy.
Altyn Emeldiń taǵy bir kórki – Ile ózeniniń túbinen jel ushyryp kelgen qumnan túzilgen ánshi shaǵyldar. Qum tóbelerdiń dybys shyǵarýynyń sebebi – qum túıirleriniń bir-birine úıkelgende ǵajaıyp bir ánniń áýeni estilgendeı bolady.
