Mańǵystaý oblysy boıynsha 2014 jyly О́ńir namysyn QR Ulttyq Paralımpıadalyq Komıtetiniń Vıse-prezıdenti, voleıboldan QR bas bapkeri Nuraly Qulyshevtyń otbasy qorǵady.
2015 jyly oblys namysyn qorǵaǵan, 12 bala, 46 nemere, 41 shóbere tárbıelep otyrǵan baqytty otbasy Qulsarıevter oblystyq jáne respýblıkalyq deńgeıde konkýrs jeńimpazy atandy.
2016 jyly Mańǵystaý aýdanynan «Qurmashevtar otbasy» jeńimpaz atandy. Qurmashev Aldabergen 48 jyl ustazdyq etken, QR Bilim berý isiniń úzdigi.
2017 jyly jeńimpaz bolyp Túpqaraǵan aýdanynyń «Qanjanovtar otbasy» Qanjanov Táýirhan Eren eńbegi úshin», «Veteran trýda» medaldarymen, «Eńbek Qyzyl Tý» ordenimen marapattalǵan. Túpqaraǵan aýdanynyń qurmetti azamaty
2018 jyly baıqaýǵa oblystyń aýdandary men qalalarynan munaı-gaz, energetıka, bilim, kásipker, aýylsharýashylyq, óner salalarynan quralǵan 25 otbasy ótinimderin berdi.
Nátıjesinde III oryn jeńimpazy bolyp Beıneý aýdanynan «О́mirovter otbasy» tanyldy.
Otaǵasy О́mirov О́tepqalı Júndibaıuly 1956 jyly týylǵan. Zerger, Qazaq halqynyń dástúrli zergerlik ónerin, músin, kórkemsýret, dombyra, bı jáne sóz ónerin nasıhattap, aınalysýymen tanymal kisi. «Mańǵystaý oblysynyń úzdik kásipkeri ataǵyn eki ret ıelengen. «Úzdik taýarlar» aımaqtyq kórme-konkýrsynyń laýreaty. «Mańǵystaý juldyzdary» festıvalinyń eki dúrkin laýreaty, birneshe dıplomdar men alǵys hattarmen marapatalǵan.
Joldasy Esetova Aınahan Yǵylmanqyzy Mańǵystaý oblystyq «Mańǵystaý» gazetiniń Beıneý aýdanyndaǵy menshikti tilshisi. Búgingi tańda «О́mir syry», «Oljashy shejiresi», «Aqjeleń», «Arystardyń aty jetsin urpaqqa», Mańǵystaý aqyn jazýshylary kitaphanasy serııasymen óleńder toptamasy, «Jyr marjany» Qazaq poezııasynyń antologııasy, «Boıtumar», «Ústirt balladalary» kitaptarynyń avtory. Otbasynda eki ul men bir qyzy jáne bir nemeresi bar. Balalarynyń barlyǵy óner–bilim saıystarynyń jeńimpazy.
II oryndy Mańǵystaý aýdanynan «Ozǵanbaevtar» otbasy ıelendi.
Ozǵanbaev Tóreáli – 85 jastaǵy tyl ardageri, 40 jyl ustazdyq etken derbes zeınetker, SSSR jáne Qazaq SSR aǵartý isiniń úzdigi, Qazaqstan halyq aǵartý isiniń úzdigi.
Ustazdyq etken jyldarynda, «V.I.Lenınniń týǵanyna - 100jyl» medali, «Eńbek ardageri» medali, Oqý aǵartý isiniń úzdigi medaldarymen marapattalǵan. Búgingi tańda bilim bergen L.K.Qıynov syndy kóptegen shákirtteriniń ózi halqyna qyzmet etip zeınet jasyna jetken, abyz ustazdyń ónegeli úlgili otbasy.
Joldasy Qazturǵanova Dámejan aýyl sharýashylyq salasynda mal dárigeri bolyp qyzmet atqarǵan. 2006 jyly 70 jasynda ómirden ozdy. Býgingi tańda 7 bala tárbıelep, ulyn uıaǵa, qyzyn qııaǵa qondyrǵan. Balalary bilikti mamandar. Otbasyndaǵy balalary men kelinderin eseptegende 8 bilikti ustaz bar. Tórt ul jáne úsh qyzdan 33 nemeremen 19 shóbere súıip, qazaqy otbasynyń naǵyz beınesin qalyptastyrdy.
I oryn Qaraqııa aýdanyń «Kóshenovter» otbasyna buıyrdy.
Kóshenuly Tursynǵalı 1934 jyly Fort – Shevchenko qalasynda dúnıege kelgen. 1959 jyly Baký ınstıtýtyn bitirgen. Burǵylaýshy kómekshisinen bastap «MańǵyshlaqMunaıGazBarlaý» trestiniń basshysyna deıin qyzmet etti. Qaraqııa aýdanynnyń Qurmetti azamaty, QR jer qoınaýynyń Qurmetti barlaýshysy, QR Prezıdentiniń Qurmet gramotasymen, Enbek ardageri, V.I.Lenın 100 jyldyǵy, 1920-1970 j.j. QR 50 jyldyǵy, Qazaqstan munaıyna 100 jyl, t.b., medaldarymen jáne gramota alǵys hattarmen marapatalǵan.
Jubaıy Júsipqyzy Qanshaıym Taýshyq aýrýhanasynda qyzmet atqarǵan. Otbasynda 4 qyz jáne 2 uly bar olardan taraǵan 20 nemere, bir shóberesi bar.
Bas júlde jeńimpazy - Jańaózen qalasynan «Qaldamanovtar otbasy».
Otaǵasy Qaldamanov Isenbaı Ábeıuly 1968 jyly dúnıege kelgen. 2008 jyldan bastap «Kaspıı» pedagogıka jáne salalyq tehnologııalar kolledjin ashyp, qazirgi tańda kolledj dırektory qyzmetin atqarýda. Memlekettik «Balapan» baǵdarlamasy aıasynda 2010 jyly 75 balaǵa arnalǵan «Kaspıı» balabaqsha ashqan, 2017 jyly «Kaspıı» zııatkerlik mektebin ashyp, búgingi tańda Jańaózen qalasynyń 150-ge jýyq bastaýysh synyp oqýshylaryna bilim berýde.
Qaladaǵy barlyq qaıyrymdylyq sharalaryna belsendi atsalysyp keledi, sonyń ishinde jetim jáne jartylaı jetim, mújálsiz otbasy jáne aýyrǵan balalarǵa, daryndy jastarǵa túrli deńgeıdegi turǵyndarǵa kómegin berip keledi. Sonymen qatar kolledj stýdentter arasynda alty mújálsiz otbasynyń balalarydy kolledj esebinen tegin bilim alýda, osy úrdis árbir oqý jyly saıyn óziniń jalǵasyn tabýda.
2017 jyldyń úzdik kásipkeri, ulaǵatty ustaz (tarıh páni boıynsha), «Daýymshar batyr jáne onyń urpaqtary» kitabynyń jaryqqa shyǵýyna atsalysqan, QR bilim berý isiniń Úzdigi, 2016 jyldyń úzdik kásipkeri, «Rýhanı jańǵyrý» baǵdarlamasy aıasynda 2017 jyly ótken oblystyq «Týǵan jerge taǵzym» mesenattar forýmynda «Úzdik ujym» ataǵyn ıelendi, mesenat, Jańaózen qalalyq máslıhat depýtaty.
2018 jyly I Respýblıkalyq «О́rleý» ınstıtýtynyń uıymdastyrýymen «Úzdik menedjer» baıqaýynda «Úzdik strateg» nomınasııasyn jeńip aldy. Jastardyń salaýatty ómir saltyn qalyptastyrýǵa jáne ulttyq at sport túrlerin damýyna qosqan úlesi zor.
Jubaıy Rametýlla Zlıha Maqsýtqyzy aǵylshyn tili pániniń oqytýshysy, ulaǵatty ustaz, joǵary sanatty tájirıbeli bilikti maman, Qazaqstan Respýblıkasynyń Bilim berý isiniń qurmetti qyzmetkeri. Otbasynda eki ul men eki qyzy jáne 5 nemeresi bar. О́negeli úlgili otbasy.
«Qaldamanovtar otbasy» «Mereıli otbasy» ulttyq baıqaýynyń respýblıkalyq kezeńinde oblys namysyn qorǵaıtyn bolady.
Gúlaıym ShYNTEMIRQYZY,
«Egemen Qazaqstan»
